Qazaqstan Respýblikasynyń Memlekettik hatshysy Gúlshara Ábdiqalyqovanyń tóraǵalyǵymen Memlekettik rámizder men vedomstvolyq jáne olarǵa teńestirilgen ózge de nagradalar geraldikasy máseleleri jónindegi respýblikalyq komissiianyń keńeitilgen otyrysy ótti, dep habarlaidy Aqordanyń baspasóz qyzmeti.
Jiynǵa Parlament depýtattary, ortalyq jáne jergilikti atqarýshy organdar basshylary, qoǵam qairatkerleri, belgili ǵalymdar qatysty.
Memlekettik hatshy sóilegen sózinde Nursultan Nazarbaevtyń: «Eki dáýir túiisken óliara shaqta Qazaqstanǵa túbegeili jańǵyrý jáne jańa ideialar arqyly bolashaǵyn baiandy ete túsýdiń teńdessiz tarihi múmkindigi berilip otyr», - degen pikirin atap ótti. Bul múmkindikti tiimdi paidalaný jáne oǵan laiyqty úles qosý - bizdiń ortaq mindetimiz.
Basqosýda Memlekettik qyzmet isteri jáne sybailas jemqorlyqqa qarsy is-qimyl agenttiginiń, Qarjy ministrliginiń, sondai-aq, Atyraý, Qostanai jáne Mańǵystaý oblystary ákimderiniń memlekettik rámizderdi paidalaný, qoldaný jáne nasihattaý isiniń óńirlerdegi jai-kúii jónindegi esebi tyńdaldy.
Sonymen qatar Qorǵanys jáne aeroǵarysh ónerkásibi, Investitsiialar jáne damý ministrlikteriniń, «Syrbar» syrtqy barlaý qyzmetiniń vedomstvolyq nagradalaryn bekitý týraly usynystary tyńdaldy.
Komissiianyń biylǵy qyzmeti jáne 2018 jylǵa arnalǵan jumys jospary jónindegi másele qaraldy. Memlekettik organdar basshylaryna memlekettik rámizder týraly zańnamalardyń buzylýyna jol bermeý, sonyń ishinde ishki baqylaýdy turaqty qamtamasyz etý, qoldanys tájiribelerin jetildirý, sonymen qatar memlekettik rámizderdi qoldaný men nasihattaý isin baqylaýdy kúsheitý tapsyryldy.
Otyrys qorytyndysy boiynsha memlekettik rámizderge qatysty quqyqtyq saýattylyqty jáne oǵan qurmetti arttyrý jóninde naqty tapsyrmalar berildi.
Sońynda Qazaqstan Respýblikasynyń Memlekettik hatshysy Gúlshara Ábdiqalyqova jinalǵandardy alda kele jatqan memlekettik mereke - Qazaqstan Respýblikasynyń Tuńǵysh Prezidenti kúnimen quttyqtady.
.jpeg)