Abai shyǵarmalary jinaǵynyń shet tiline aýdarylǵan nusqasy barlyq oblystaǵy ortalyq kitaphanada bolady. Bul týraly Ortalyq kommýnikatsiialar qyzmetinde ótken baspasóz konferentsiiasynda QR Mádeniet jáne sport vitse-ministri Nurǵisa Dáýeshov aitty, dep habarlaidy QazAqparat.
Abaidyń 175 jyldyq mereitoiyna arnalǵan mańyzdy jobalardyń biri - shyǵarmalar jinaǵyn sheteldiń 10 tiline aýdarý jáne shyǵarý.
«Abaidyń shet tiline aýdarylǵan jinaqtary oblys ortalyqtary men respýblika kólemindegi barlyq kitaphanalarda turatyn bolady. Shet tiline aýdarylǵan jinaqtardy halyqqa kórsetý maqsatynda jumystary júrgiziledi », - deidi Nurǵisa Dáýeshov.
Ol jinaqtardyń elektrondy nusqasyn shyǵarý jaiy da eskerilgen.
«Shet tiline aýdarylǵan jinaqtar qaǵaz kúiinde de, elektrondy nusqada da bolady. Ony belgili bir internet resýrstarǵa salyp, jastardyń aqyn shyǵarmalarymen tanysýyna jaǵdai jasaimyz», - dedi ol.
Eske sala ketsek, byltyr 26 tamyzda QR Prezidenti Qasym-Jomart Toqaevtyń jarlyǵymen Abaidyń 175 jyldyq mereitoiyn daiyndaý jáne ótkizý jónindegi memlekettik komissiianyń quramy bekitilgen bolatyn.
Jospar 82 tarmaqty qamtidy, solardyń ishinde iri halyqaralyq jáne respýblikalyq qoǵamdyq mańyzy bar, ǵylymi, aǵartýshylyq is-sharalar, konferentsiialar, simpoziýmdar, dóńgelek ústelder, synyp saǵattar, poetikalyq jáne ádebi konkýrstar, baspasóz týrlary jáne ózge de is-sharalar bar.
