Qazaqstan Respýblikasynyń Ulttyq banki 10 tamyz kúni «Este qalatyn oqiǵalar men birtýar adamdar» seriiasynan «ABAI. 175 JYL» kollektsiialyq monetalaryn ainalysqa shyǵarady, dep habarlaidy "Ult aqparat".
Atap aitqanda, nominaly 500 teńgelik moneta - kúmisten, nominaly 100 teńgelik shaqa - melhior qospasynan jáne nominaly 100 teńgelik moneta neizilber qospasynan jasalǵan.
Monetalar aqyn jáne aǵartýshy Abaidyń 175 jyldyǵyna orai shyǵaryldy.
Ulttyq bankten málim etkendei, Qazaqstan aýmaǵynda karantin rejiminiń uzartylýyna bailanysty monetalardy satý merzimi keiinirek habarlanatyn bolady.
«Satý kúni týraly aqparat QR Ulttyq bankiniń resmi saitynda qosymsha ornalastyrylady», - dedi bankten.
«ABAI. 175 JYL» monetalarynyń sipattamasy:
Monetalardyń bet jaǵynda (aversinde) ortalyq bóliginde Qazaqstan Respýblikasynyń Memlekettik Eltańbasy beinelengen. Eltańbanyń sol jáne oń jaǵynda «QAZAQSTAN RESPÝBLIKASY ∙ REPUBLIC OF KAZAKHSTAN» jazýlary ornalasqan. Ainaldyra ulttyq oiý-órnek elementteri bar. Tómengi bóliginde «TEŃGE» jazbasy jáne kúmis monetada onyń nominalyn bildiretin «500» sany jáne melhior men neizilber monetalarynda «100» sany beinelengen.
Monetalardyń syrt jaǵynda (reversinde) Abai Qunanbaevtyń músindik portret beinesi, kúmis jáne melhior monetalarda interferentsiialyq túrli-tústi beineleý tehnologiiasyn qoldana otyryp oryndalǵan siia qutysynyń jáne qalamushtyń stildendirilgen sýreti ornalasqan. Portrettiń oń jaǵynda – qazaqtyń kiiz úii (basqur) dekory túrindegi oiý-órnek taspasy, onyń astynda Abaidyń týǵan jylyn, 175 jyldyǵyn merekeleitin kúndi jáne soǵylǵan jylyn bildiretin «1845-2020» degen jazba ornalastyrylǵan. Oń jaǵynda - metaldyń massasyn bildiretin «31,1 g» degen jazba bar. Monetanyń joǵarǵy bóliginde «175» jáne «JYL» degen jazba bar. Sol jaq bóliginde ulttyq oiý-órnek elementi, kúmis monetada moneta daiyndalǵan metaldy jáne onyń synamyn bildiretin «Ag 925» degen jazba bar. Monetanyń tómengi bóliginde latyn grafikasynda «ABAI» degen jazba bar.
Tehnikalyq ólshemderi:
«Rroof» sapaly monetalar 925/1000 synamdy kúmisten, massasy 31,1 gramm, diametri 38,61 mm, nominaly 500 teńgelik, taralymy 1 500 danada daiyndaldy.
«Vrilliant uncirculated» sapaly monetalar MN 25 melhior qospasynan, massasy 15 gramm, diametri 33 mm, nominaly 100 teńgelik, taralymy 8 000 danada daiyndaldy
«Vrilliant uncirculated» sapasyly monetalar MNTs 15-20 neizilber qospasynan, massasy 11,17 gramm, diametri 31 mm, nominaly 100 teńgelik, taralymy 75 000 danada daiyndaldy.
Monetalar kollektsiialyq quny boiynsha satýǵa arnalǵan.
Nominaly 500 teńgelik jáne 100 teńgelik kollektsiialyq monetalar tólemderdiń barlyq túrleri boiynsha Qazaqstan Respýblikasynyń búkil aýmaǵynda olardyń belgilengen qunymen qabyldanýǵa, sondai-aq bank shottaryna esepke alynýǵa jáne aýdarylýǵa mindetti, Qazaqstan Respýblikasynyń barlyq bankterinde shekteýsiz usaqtalady jáne aiyrbastalady.
Kúmisten daiyndalǵan monetalar kádesyilyq oramda shyǵarylady jáne Qazaqstan Ulttyq Bankiniń memlekettik, orys jáne aǵylshyn tilderinde nómirlik sapa sertifikatymen jabdyqtalǵan.
Melhior qospasynan daiyndalǵan monetalar arnaiy poligrafiialyq oramda shyǵarylady.
Kollektsiialyq monetalar Qazaqstan teńge saraiynda daiyndalǵan.
