Foto: Ortkom
Abai Qunanbaevtyń 180 jyldyq mereitoiy álemge áigili ánshi Djennifer Lopestiń kontsertiniń kóleńkesinde qalyp qoiǵan joq pa? Bul týraly Ult.kz tilshisi 8 tamyzda Astanada Abai Qunanbaevtyń 180 jyldyǵyna bailanysty ótken baspasóz máslihatynda QR Mádeniet jáne aqparat ministrligi Mádeniet komiteti tóraǵasy Erlan Dákenovten surady.
Djennifer Lopestiń kontsertin uiymdastyrý kezinde Abaidyń mereitoiy da týra sol ýaqytta toilanatyny nege eskerilmedi? Bul suraqqa jaýap bergen Mádeniet komiteti tóraǵasy Abai toiy bir jyl boiy toilanyp keledi, al amerikalyq ánshiniń kontserti bir rettik qana ekenin jetkizdi. Sondyqtan onyń oiynsha eki is-sharanyń bir birine áseri joq.
Foto: Erlan Dákenov / Ortkom
"Abaidyń 180 jyldyǵy úlken memlekettik aýqymdy is-shara. Jyldyń basynan bastap, 5000-nan asa úlken merkelik is sharalar ótip jatyr. Jyldyń aiaǵyna deiin áli de kóptegen is-sharalarymyz bar. "Abaidyń mereitoiy Djennifer Lopestiń kontsertiniń kóleńkesinde qalyp qoimai ma?" degen suraǵyńyzǵa tolyǵymen jaýap beremin - qalmaidy. Óitkeni bizde aýqymdy is-sharalar kúnige ótip jatyr. Ony ózderińiz baiqap otyrsyzdar. Bir saǵattyq kontsertke bola... Bizde bir jyl boiy is-sharalar jasalynyp jatyr", - dedi Erlan Dákenov.
Aita keteiik, Djennifer Lopestiń kontserti 1 tamyzda Astanada ótti, endi 10 tamyz kúni Almatyda ótetin bolady. Al uly oishyl dúniege kelgen Semei óńirinde 1 - 10 tamyz aralyńynda Abai Qunanbaevtiń 180 jyldyq mereitoiynyń onkúndigi toilanyp jatyr. Elimizdiń basqa óńirlerinde de Abai mereitoiyna bailanysty sharalar ótýde.
Amerikalyq juldyzdyń kontserti Abaidyń mereitoiyna tuspa-tus kelgendigi kei bir azamattardyń ashýyn týǵyzyp, ataqty ánshiniń kontsertine boikot jariialaǵandar bar ekenin buǵan deiin jazǵanbyz.
«Eger Lopes dál Abaidyń 180 jyldyq mereitoiy resmi bastalǵan 1 tamyz kúni Astanada kontsert berip, dál Abaidyń iýbileii máresine jetetin 10 tamyz kúni Almatyda kontsertin támamdamaǵanda men bul sharaǵa eshteńe demes edim», ‒ degen bolatyn dástúrli ánshi, ónertanýshy Erlan Tóleýtai.
Al jýrnalist Sáýle Ábildahanqyzy Lopes kontsertin Abai kúnderine qoiýy - uiymdastyrýshylardyń, ministrliktiń ádeii istegeni, bul júieniń qazaq rýhaniiatyna da, Abaiǵa da túkirgeni dep sanaitynyn jetkizgen.
Alaida álemge áigili Djennifer Lopestiń talantyna tamsanǵandar bul pikirlermen kelispedi. Mysaly Jazýshy, jýrnalist Qanat Tileýhan:
"Bir róli úshin qarshadai kezinde bir mln dollar tapqan talant. Álemge máshhúr Gollivýdttyń dańq aleiasyna esimi qashalǵan aktrisa. Kinodaǵy sol óneri úshin Oskardan keiingi myqty «Altyn globýs» báigesin jeńip alǵan. Bir jyldary Forstyń jazýy boiynsha álemdegi eń yqpaldy áielderdiń qataryna kirdi", - dep maqtaǵan edi.
Oqi otyryńyz: Kózqarastar qaqtyǵysy: Abaidyń 180 jyldyǵy nemese Djei Lonyń kontserti
