Kókshetaýda Abai kóshesiniń boiyndaǵy avtobýs aialdamasyna ornatylǵan Qr-box tanystyryldy, dep habarlaidy "Ult aqparat".
Qr-box arqyly kez kelgen adam smartfonnyń kómegimen Abaidyń shyǵarmalary, aýdarmalary jáne ulaǵatty sózderi týraly málimet ala alady.
Qalalyq mádeniet bóliminiń málimetinshe, tanystyrylym kezinde volonterler aqynnyń sózi jazylǵan paraqshalar taratty, avtobýs jolaýshylaryna Abaidyń shyǵarmashylyǵy týraly mereitoilyq aktsiia uiymdastyryldy.
Táýlik boiy Abaidyń shyǵarmashylyǵynan «Tory jorǵa», «Segiz aiaq», «Jyl mezgilderi» shyǵarmalary oryndaldy.
Abai kóshesiniń boiyndaǵy kópqabatty turǵyn úidiń qabyrǵasyna salynǵan aqynnyń alyp sýreti mereitoidyń shyraiyn asha tústi.
Uly aqynnyń sýretin sala otyryp, «Kózimniń qarasyn» naqyshyna keltire oryndaǵan sýretshi-graffitist Ernur Sársekeev qala turǵyndaryn tań qaldyrdy.
