Ýkrainadaǵy Qazaqstannyń Elshiligi Abaidyń qara sózderiniń ýkrain tilindegi aýdarmasyn jaryqqa shyǵardy, dep habarlaidy "Ult aqparat".
Kitaptyń tanystyrylymy 2020 jyldyń 15 shildesinde Kanev qalasyndaǵy Ýkrainnyń uly aqyny ári sýretshisi Taras Shevchenko atyndaǵy mýzeide ótti.
«Ýkrainadaǵy Qazaqstannyń Elshisi Darhan Káletaev sharaǵa qatysýshylarǵa Abaidyń ólmes murasy men shyǵarmashylyǵy týraly aityp berdi. Aýdarma avtory – filologiia ǵylymdarynyń doktory, professor Nikolai Vaskov Abai shyǵarmasy týrasynda óz áserimen bólisti. Ol Abaidyń ulylyǵy shyǵarmasynda ǵana emes, ómir súrý saltynda, patriotizminde, ult aldyndaǵy jaýapkershiliginde ekenin atap ótti», - dep habarlaidy Ýkrainadaǵy Qazaqstannyń Elshiliginen.
T.Shevchenko atyndaǵy mýzei direktory Igor Lihovoi Abai men Kobzardyń uqsastyǵy týraly oi órbitti. Eki eldiń uly oishyldary onyń oiynsha, adamdardy ózin-ózi damytýǵa, ádilettik pen meiirimdilikke shaqyra otyryp, ulttyq sanada tóńkeris jasaǵan.
Ýkrainadaǵy qazaq diasporasynyń ókilderi Abai týraly bilimderimen bólisip qana qoimai, oishyldyń sózderi men óleńderin qazaqsha oqyp berdi.
Sharaǵa sonymen birge Ýkrainanyń jergilikti intelegentsiiasynyń, akademiialyq ortasynyń, sarapshylar birlestiginiń, sondai-aq memlekettik basqarý organynyń ókilderi qatysty.
Elshilik mýzei men oblystyq memlekettik ákimshilikke kitaptyń birneshe danasyn tapsyrdy.
