On bes seriialy "Abaidyń qara sózderi" filminiń túsirilimi aiaqtaldy, dep habarlaidy Sputnik Qazaqstan.
Film on bes astarly áńgime men filosofiialyq traktattan turady. Kinojobada qazaqtyń uly aqyny-reformator ári filosofynyń irgeli týyndysynyń myzǵymas qundylyǵyn jańasha ashatyn kúrdeli rejisserlik sheshimder qoldanylǵan.
Basty keiipkerlerdi Aidos Bektemir, Jan Baijanbaev, Erik Joljaqsynov, Bahtiiar Qoja, Táýekel Músilim, Indira Meńdibaeva, Jaidarbek Kúnǵojinov jáne basqalar somdady.
Teleradiokeshenniń bas direktory Raýshan Qajybaevanyń aitýynsha, "Qara sózderde" qazaq halqynyń ulttyq tárbiesi men dúnietanymy, adamgershilik jáne moraldyq negizderi, tarihi máseleler kóteriledi. Ol uly Abaidyń naqyl sózderi men ósietteri búgingi kúni de ózekti ekenine toqtaldy.
"Bizdiń jumysymyz qazaq ádebietiniń klassigi, aqyn, qoǵam qairatkeri jáne XIX ǵasyrdaǵy uly aǵartýshynyń jarqyn murasy "Qara sózderdi" nasihattaýǵa úles qosady dep úmittenemiz", – dedi Qajybaeva.
Kórkem kinojobanyń túsirilimi Almaty qalasy men Almaty oblysynyń túrli aimaǵynda ótti.
Qazirgi ýaqytta grafikalyq jumystar men tústerdi túzetýdiń sońǵy sátteri júrip jatyr. Film qazaq, orys jáne aǵylshyn tilderinde túsirilgen. Kórkem kinojoba ashyq túrde internet-platformalarda jariialanyp, álemdik telearnalarda kórsetiledi.
Abaidyń 175 jyldyǵyna arnalǵan kinojobany prezident teleradiokesheni mádeniet jáne sport ministrliginiń tapsyrysy boiynsha "Ulttyq kinony qoldaý memlekettik ortalyǵynyń" qoldaýymen ázirledi.
