Abaidyń Qara sózderi alǵashqy ret portýgal tiline aýdaryldy, - dep habarlaidy SIM baspasóz qyzmeti.
Braziliialyq «TV-Supren» telearnasynda Qazaqstannyń elshisi Qairat Sarjanov qazaqtyń uly aqyny Abaidyń alǵashqy ret portýgal tiline aýdarylǵan «Qara sózderi» kitabynyń tusaýkeserin ótkizdi.
Is-shara barysynda Qairat Sarjanov adamdardy eńbek, aǵartýshylyq jáne ǵylymda joǵary jetistikterge jetýge, zańdardy saqtaýǵa shaqyratyn, halyq birliginiń mańyzdylyǵyn qozǵaityn «Qara sózderdiń» mańyzyna toqtaldy.
Aqynnyń tulǵalyq qundylyǵy men onyń qazirgi qoǵam úshin mańyzdylyǵyna arnalǵan Memleket basshysy Qasym-Jomart Toqaevtyń «Abai jáne HHI ǵasyrdaǵy Qazaqstan» atty maqalasyna da erekshe nazar aýdaryldy.
Kitaptyń portýgal tilindegi basylymynyń tusaýkeseri Abai mereitoiyn merekeleýdiń bastalýyna orai qańtar aiynda Qazaqstan Respýblikasy basshylyǵynyń qatysýymen Nur-Sultan qalasynda ótken saltanatty shara týraly beinebaiandarmen, qazaq aǵartýshysynyń ómiri men shyǵarmashylyǵy týraly beinerolikter men tarihi fotosýrettermen, qazirgi zamanǵy Qazaqstannyń peizajdary men kórinisterimen úilesimdi ótkizildi.
Ulttyq kongresstiń eks-senatory, Braziliianyń burynǵy bilim ministri, professor Kristovam Býarke Abai shyǵarmasyna jasaǵan sholýy barysynda «sansyz aforizmderge toly, adam balasynyń erte jastan qalyptasýy tiis patriotizm men erlik sekildi qasietterin, mahabbat pen otan aldyndaǵy paryzyn, úlkenderge qurmetti madaqtaityn» aqyn eńbegine joǵary baǵa berdi. Ol «kitap basynan aiaǵyna deiin oqyrmandy ómirdiń máni týraly dana sózderdi jiberip almaityndai etip, kernep otyrady» dep qorytyndylady.
Avtor retinde uly aqyndardyń róli men sheberligi árqaisymyzdyń ishimizde tereń kómilgen oilardy oiata alatynynda ekenin eskersek, Abai – álemniń eń uly aqyndarynyń biri.
«Qara sózder» jinaǵy portýgal tiline 2019 jyly Qazaqstannyń Tuńǵysh Prezidenti-Elbasy Nursultan Nazarbaevtyń «Táýelsizdik dáýiri» kitabynyń aýdarmasymen jumys jasaǵan, filologiia ǵylymdarynyń doktory, San-Paýlý ýniversitetiniń professory Edelsio Ameriko tarapynan aýdarylyp, sanpaýlýlyq «Nova Aleksandriia» baspasynda basylyp shyǵaryldy. Braziliia jurtshylyǵyna qazaq aǵartýshysyn jaqynyraq tanýǵa múmkindik berý maqsatynda Abaidyń týyndysy braziliialyq oqý oryndary men kitaphanalaryna taratylady. Aýdarmanyń elektrondyq nusqasymen Qazaqstan Respýblikasynyń Braziliiadaǵy Elshiliginiń saitynda tanysyp, mátinin myna jerden alýǵa bolady.
