ابايدىڭ قارا سٶزدەرٸ العاشقى رەت پورتۋگال تٸلٸنە اۋدارىلدى, - دەپ حابارلايدى سٸم باسپاسٶز قىزمەتٸ.
برازيلييالىق «TV-Supren» تەلەارناسىندا قازاقستاننىڭ ەلشٸسٸ قايرات سارجانوۆ قازاقتىڭ ۇلى اقىنى ابايدىڭ العاشقى رەت پورتۋگال تٸلٸنە اۋدارىلعان «قارا سٶزدەرٸ» كٸتابىنىڭ تۇساۋكەسەرٸن ٶتكٸزدٸ.
ٸس-شارا بارىسىندا قايرات سارجانوۆ ادامداردى ەڭبەك, اعارتۋشىلىق جەنە عىلىمدا جوعارى جەتٸستٸكتەرگە جەتۋگە, زاڭداردى ساقتاۋعا شاقىراتىن, حالىق بٸرلٸگٸنٸڭ ماڭىزدىلىعىن قوزعايتىن «قارا سٶزدەردٸڭ» ماڭىزىنا توقتالدى.
اقىننىڭ تۇلعالىق قۇندىلىعى مەن ونىڭ قازٸرگٸ قوعام ٷشٸن ماڭىزدىلىعىنا ارنالعان مەملەكەت باسشىسى قاسىم-جومارت توقاەۆتىڭ «اباي جەنە ححٸ عاسىرداعى قازاقستان» اتتى ماقالاسىنا دا ەرەكشە نازار اۋدارىلدى.
كٸتاپتىڭ پورتۋگال تٸلٸندەگٸ باسىلىمىنىڭ تۇساۋكەسەرٸ اباي مەرەيتويىن مەرەكەلەۋدٸڭ باستالۋىنا وراي قاڭتار ايىندا قازاقستان رەسپۋبليكاسى باسشىلىعىنىڭ قاتىسۋىمەن نۇر-سۇلتان قالاسىندا ٶتكەن سالتاناتتى شارا تۋرالى بەينەباياندارمەن, قازاق اعارتۋشىسىنىڭ ٶمٸرٸ مەن شىعارماشىلىعى تۋرالى بەينەروليكتەر مەن تاريحي فوتوسۋرەتتەرمەن, قازٸرگٸ زامانعى قازاقستاننىڭ پەيزاجدارى مەن كٶرٸنٸستەرٸمەن ٷيلەسٸمدٸ ٶتكٸزٸلدٸ.
ۇلتتىق كونگرەسستٸڭ ەكس-سەناتورى, برازيلييانىڭ بۇرىنعى بٸلٸم مينيسترٸ, پروفەسسور كريستوۆام بۋاركە اباي شىعارماسىنا جاساعان شولۋى بارىسىندا «سانسىز افوريزمدەرگە تولى, ادام بالاسىنىڭ ەرتە جاستان قالىپتاسۋى تيٸس پاتريوتيزم مەن ەرلٸك سەكٸلدٸ قاسيەتتەرٸن, ماحاببات پەن وتان الدىنداعى پارىزىن, ٷلكەندەرگە قۇرمەتتٸ ماداقتايتىن» اقىن ەڭبەگٸنە جوعارى باعا بەردٸ. ول «كٸتاپ باسىنان اياعىنا دەيٸن وقىرماندى ٶمٸردٸڭ مەنٸ تۋرالى دانا سٶزدەردٸ جٸبەرٸپ المايتىنداي ەتٸپ, كەرنەپ وتىرادى» دەپ قورىتىندىلادى.
اۆتور رەتٸندە ۇلى اقىنداردىڭ رٶلٸ مەن شەبەرلٸگٸ ەرقايسىمىزدىڭ ٸشٸمٸزدە تەرەڭ كٶمٸلگەن ويلاردى وياتا الاتىنىندا ەكەنٸن ەسكەرسەك, اباي – ەلەمنٸڭ ەڭ ۇلى اقىندارىنىڭ بٸرٸ.
«قارا سٶزدەر» جيناعى پورتۋگال تٸلٸنە 2019 جىلى قازاقستاننىڭ تۇڭعىش پرەزيدەنتٸ-ەلباسى نۇرسۇلتان نازارباەۆتىڭ «تەۋەلسٸزدٸك دەۋٸرٸ» كٸتابىنىڭ اۋدارماسىمەن جۇمىس جاساعان, فيلولوگييا عىلىمدارىنىڭ دوكتورى, سان-پاۋلۋ ۋنيۆەرسيتەتٸنٸڭ پروفەسسورى ەدەلسيو امەريكو تاراپىنان اۋدارىلىپ, سانپاۋلۋلىق «نوۆا الەكساندرييا» باسپاسىندا باسىلىپ شىعارىلدى. برازيلييا جۇرتشىلىعىنا قازاق اعارتۋشىسىن جاقىنىراق تانۋعا مٷمكٸندٸك بەرۋ ماقساتىندا ابايدىڭ تۋىندىسى برازيلييالىق وقۋ ورىندارى مەن كٸتاپحانالارىنا تاراتىلادى. اۋدارمانىڭ ەلەكتروندىق نۇسقاسىمەن قازاقستان رەسپۋبليكاسىنىڭ برازيليياداعى ەلشٸلٸگٸنٸڭ سايتىندا تانىسىپ, مەتٸنٸن مىنا جەردەن الۋعا بولادى.
