Abai – bar qazaqtyń Uly aqyny. Onyń adamzatqa arnaǵan jyrlarymen qatar, balalarǵa, urpaqqa arnaǵan ósieti de az emes. Osy oraida, Almaty qalasyndaǵy Jambyl atyndaǵy jasóspirimder kitaphanasy, «QR Básekelestikti qorǵaý jáne damytý agenttiginiń Almaty qalasy boiynsha departamenti» respýblikalyq memlekettik mekemesimen «Paida oilama, ar oila» atty birlesken dóńgelek ústel uiymdastyrdy, - dep habarlaidy «Ult aqparat».
Qazaqtyń bas aqyny - Abai Qunanbaiulynyń týǵanyna 176 jyl tolýyna orai uiymdastyrylǵan sharaǵa kitaphana qyzmetkerleri, memlekettik qyzmetkerlermen birge, jas oqyrmandar da qatysty.
«Abai – dana. Abai – dara. Qazaqtyń bas aqyny – ótken men búginniń ǵana emes, bolashaqtyń da beinesi. Biz búgin Uly aqyn Abai Qunanbaiulynyń týǵanyna 176 jyl tolýyna orai osyndai dóńgelek ústel uiymdastyryp otyrmyz. Eń bastysy, búgingi sharaǵa qatysyp otyrǵan jas balalar úshin mańyzdy dep oilaimyn. Ózderińiz bilesizder, biyl balalar ádebietin qoldaý jyly ekenin, soǵan orai Abai balalarǵa da arnap jazǵandary joq emesin túsinesizder. Búgin mine, Abaidyń búgingi urpaqtan-urpaqqa jetip otyrýynyń ózi urpaq úshin mańyzdy», - dedi Jambyl atyndaǵy jasóspirimder kitaphanasynyń meńgerýshisi Ǵaziza Qudaibergen.
Balalar ádebieti jyly qarsańynda uiymdastyrǵan sharaǵa mektep oqýshylary da qatysqan bolatyn. Jas oqyrmannyń túigen oiy da osal emes. Balalar kitap oqymaidy, balalar bilimge qushtar emes degen nazdyń bárin joqqa shyǵarǵan oqýshy Nurlyaiym Jaqyp ózi oqymaǵan kitap joǵyn aityp, qýantty.
«Biyl balalar ádebieti jyly dep jatyrsyzdar ǵoi. Bizdiń saiasattan, saiasi naýhandardan habarymyz joq shyǵar. Biraq biz jastar mundai saiasi naýqansyz-aq kitap oqimyz. Máselen, meniń aralasatyn qurbylarymnyń bári jata jastanyp kitap oqidy. Bárimiz jarysyp oqimyz, sosyn talyqlaimyz. Máselen, Esenberlinniń «Kóshpendilerin», Maǵaýinniń «Qyzyl jebesin», Oralhan Bókei, Sábit Dosanov, Muhtar Áýezov bárin-bárin jarysa oqimyz. Aityńyzshy, balalar kitap oqymaidy dep shaǵymdanyp júrgen úlkenderdiń ózi biz oqyp júrgen shyǵarmalardyń qaisyn oqydy eken? Maǵan sol qyzyq. Al búgingi shara tipti árbir oqýshy sanaǵa quiylǵan sarqyramadai boldy. Abaidyń balalarǵa arnalǵan shyǵarmalary osylai jii nasihattalyp tursa deimiz. Onyń «Qara sózderiniń» ózi nege turady deseńizshi!», - dedi almatylyq oqýshy Nurlyaiym Jaqyp.
Al kitaphana meńgerýshysi Ǵaziza Qudaibergenniń aitýynsha, jasóspirimderge arnalǵan kitaphanada adam sany úzilmeidi. Keletin jastar da az emes.
«Men jasóspirimderge arnalǵan kitaphanada uzaq jyldar boiy eńbek etip kelemin. Bir sát bolsyn oqyrmandar úzilgen emes. Meni qýantatyny, jastardyń kitapqa degen qumarlyǵy. Balalar qazaq ádebietin ǵana emes, álem ádebietin de surap, qyzyǵýshylyq tanytady. Árdaiym surap jatady. Bizdiń Jambyl atyndaǵy jasóspirimderge arnalaǵan kitaphanasy jas oqyrmandardyń suranysyn qanaǵattandyrýǵa bar kúsh-jigerimizdi salyp jatyrmyz», - dedi kitaphana meńgerýshisi.
Sonymen qatar, ótken shara aiasynda, Abai muralaryn nasihattaý maqsatynda Abai shyǵarmashylyǵynan «Abai - alashtyń temirqazyǵy» atty kórme uiymdastyryldy.
Esterińizge sala keteiik, Abai – bar qazaqtyń Uly aqyny. Ol adamzatqa arnaǵan jyrlarymen qatar, balalarǵa, urpaqqa arnaǵan ósieti de az emes. Osy oraida, Almaty qalasyndaǵy Jambyl atyndaǵy jasóspirimder kitaphanasy, «QR Básekelestikti qorǵaý jáne damytý agenttiginiń Almaty qalasy boiynsha departamenti» respýblikalyq memlekettik mekemesimen «Paida oilama, ar oila» atty birlesken dóńgelek ústel uiymdastyrdy. Qazaqtyń bas aqyny - Abai Qunanbaiulynyń týǵanyna 176 jyl tolýyna orai uiymdastyrylǵan sharaǵa kitaphana qyzmetkerleri, memlekettik qyzmetkerlermen birge jas oqyrmandar da qatysty.
