اباي – بار قازاقتىڭ ۇلى اقىنى. ونىڭ ادامزاتقا ارناعان جىرلارىمەن قاتار, بالالارعا, ۇرپاققا ارناعان ٶسيەتٸ دە از ەمەس. وسى ورايدا, الماتى قالاسىنداعى جامبىل اتىنداعى جاسٶسپٸرٸمدەر كٸتاپحاناسى, «قر بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ الماتى قالاسى بويىنشا دەپارتامەنتٸ» رەسپۋبليكالىق مەملەكەتتٸك مەكەمەسٸمەن «پايدا ويلاما, ار ويلا» اتتى بٸرلەسكەن دٶڭگەلەك ٷستەل ۇيىمداستىردى, - دەپ حابارلايدى «ۇلت اقپارات».
قازاقتىڭ باس اقىنى - اباي قۇنانبايۇلىنىڭ تۋعانىنا 176 جىل تولۋىنا وراي ۇيىمداستىرىلعان شاراعا كٸتاپحانا قىزمەتكەرلەرٸ, مەملەكەتتٸك قىزمەتكەرلەرمەن بٸرگە, جاس وقىرماندار دا قاتىستى.
«اباي – دانا. اباي – دارا. قازاقتىڭ باس اقىنى – ٶتكەن مەن بٷگٸننٸڭ عانا ەمەس, بولاشاقتىڭ دا بەينەسٸ. بٸز بٷگٸن ۇلى اقىن اباي قۇنانبايۇلىنىڭ تۋعانىنا 176 جىل تولۋىنا وراي وسىنداي دٶڭگەلەك ٷستەل ۇيىمداستىرىپ وتىرمىز. ەڭ باستىسى, بٷگٸنگٸ شاراعا قاتىسىپ وتىرعان جاس بالالار ٷشٸن ماڭىزدى دەپ ويلايمىن. ٶزدەرٸڭٸز بٸلەسٸزدەر, بيىل بالالار ەدەبيەتٸن قولداۋ جىلى ەكەنٸن, سوعان وراي اباي بالالارعا دا ارناپ جازعاندارى جوق ەمەسٸن تٷسٸنەسٸزدەر. بٷگٸن مٸنە, ابايدىڭ بٷگٸنگٸ ۇرپاقتان-ۇرپاققا جەتٸپ وتىرۋىنىڭ ٶزٸ ۇرپاق ٷشٸن ماڭىزدى», - دەدٸ جامبىل اتىنداعى جاسٶسپٸرٸمدەر كٸتاپحاناسىنىڭ مەڭگەرۋشٸسٸ عازيزا قۇدايبەرگەن.
بالالار ەدەبيەتٸ جىلى قارساڭىندا ۇيىمداستىرعان شاراعا مەكتەپ وقۋشىلارى دا قاتىسقان بولاتىن. جاس وقىرماننىڭ تٷيگەن ويى دا وسال ەمەس. بالالار كٸتاپ وقىمايدى, بالالار بٸلٸمگە قۇشتار ەمەس دەگەن نازدىڭ بەرٸن جوققا شىعارعان وقۋشى نۇرلىايىم جاقىپ ٶزٸ وقىماعان كٸتاپ جوعىن ايتىپ, قۋانتتى.
«بيىل بالالار ەدەبيەتٸ جىلى دەپ جاتىرسىزدار عوي. بٸزدٸڭ ساياساتتان, ساياسي ناۋحانداردان حابارىمىز جوق شىعار. بٸراق بٸز جاستار مۇنداي ساياسي ناۋقانسىز-اق كٸتاپ وقيمىز. مەسەلەن, مەنٸڭ ارالاساتىن قۇربىلارىمنىڭ بەرٸ جاتا جاستانىپ كٸتاپ وقيدى. بەرٸمٸز جارىسىپ وقيمىز, سوسىن تالىقلايمىز. مەسەلەن, ەسەنبەرليننٸڭ «كٶشپەندٸلەرٸن», ماعاۋيننٸڭ «قىزىل جەبەسٸن», ورالحان بٶكەي, سەبيت دوسانوۆ, مۇحتار ەۋەزوۆ بەرٸن-بەرٸن جارىسا وقيمىز. ايتىڭىزشى, بالالار كٸتاپ وقىمايدى دەپ شاعىمدانىپ جٷرگەن ٷلكەندەردٸڭ ٶزٸ بٸز وقىپ جٷرگەن شىعارمالاردىڭ قايسىن وقىدى ەكەن? ماعان سول قىزىق. ال بٷگٸنگٸ شارا تٸپتٸ ەربٸر وقۋشى ساناعا قۇيىلعان سارقىراماداي بولدى. ابايدىڭ بالالارعا ارنالعان شىعارمالارى وسىلاي جيٸ ناسيحاتتالىپ تۇرسا دەيمٸز. ونىڭ «قارا سٶزدەرٸنٸڭ» ٶزٸ نەگە تۇرادى دەسەڭٸزشٸ!», - دەدٸ الماتىلىق وقۋشى نۇرلىايىم جاقىپ.
ال كٸتاپحانا مەڭگەرۋشىسٸ عازيزا قۇدايبەرگەننٸڭ ايتۋىنشا, جاسٶسپٸرٸمدەرگە ارنالعان كٸتاپحانادا ادام سانى ٷزٸلمەيدٸ. كەلەتٸن جاستار دا از ەمەس.
«مەن جاسٶسپٸرٸمدەرگە ارنالعان كٸتاپحانادا ۇزاق جىلدار بويى ەڭبەك ەتٸپ كەلەمٸن. بٸر سەت بولسىن وقىرماندار ٷزٸلگەن ەمەس. مەنٸ قۋانتاتىنى, جاستاردىڭ كٸتاپقا دەگەن قۇمارلىعى. بالالار قازاق ەدەبيەتٸن عانا ەمەس, ەلەم ەدەبيەتٸن دە سۇراپ, قىزىعۋشىلىق تانىتادى. ەردايىم سۇراپ جاتادى. بٸزدٸڭ جامبىل اتىنداعى جاسٶسپٸرٸمدەرگە ارنالاعان كٸتاپحاناسى جاس وقىرمانداردىڭ سۇرانىسىن قاناعاتتاندىرۋعا بار كٷش-جٸگەرٸمٸزدٸ سالىپ جاتىرمىز», - دەدٸ كٸتاپحانا مەڭگەرۋشٸسٸ.
سونىمەن قاتار, ٶتكەن شارا اياسىندا, اباي مۇرالارىن ناسيحاتتاۋ ماقساتىندا اباي شىعارماشىلىعىنان «اباي - الاشتىڭ تەمٸرقازىعى» اتتى كٶرمە ۇيىمداستىرىلدى.
ەستەرٸڭٸزگە سالا كەتەيٸك, اباي – بار قازاقتىڭ ۇلى اقىنى. ول ادامزاتقا ارناعان جىرلارىمەن قاتار, بالالارعا, ۇرپاققا ارناعان ٶسيەتٸ دە از ەمەس. وسى ورايدا, الماتى قالاسىنداعى جامبىل اتىنداعى جاسٶسپٸرٸمدەر كٸتاپحاناسى, «قر بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ الماتى قالاسى بويىنشا دەپارتامەنتٸ» رەسپۋبليكالىق مەملەكەتتٸك مەكەمەسٸمەن «پايدا ويلاما, ار ويلا» اتتى بٸرلەسكەن دٶڭگەلەك ٷستەل ۇيىمداستىردى. قازاقتىڭ باس اقىنى - اباي قۇنانبايۇلىنىڭ تۋعانىنا 176 جىل تولۋىنا وراي ۇيىمداستىرىلعان شاراعا كٸتاپحانا قىزمەتكەرلەرٸ, مەملەكەتتٸك قىزمەتكەرلەرمەن بٸرگە جاس وقىرماندار دا قاتىستى.
