26-27 jeltoqsan kúnderi 17:40-ta «Qazaqstan» Ulttyq telearnasy túsirgen «Abaidyń alǵashqy kitaby» eki bólimdi derekti filmi efirge shyǵady, dep habarlaidy "Ult aqparat".
Film Abaidyń 1909 jyly Sankt Peterbýrgtegi Ilias Boraganskii baspasynda basylǵan alǵashqy shyǵarmalar jinaǵynyń jaryq kórý tarihyna arnalady.
Abai dúnieden ótken soń, Turaǵul Abaiuly men Kákitai Ysqaqulynyń uiymdastyrýymen el ishindegi Abaidyń qaǵaz betine túsken shyǵarmalary jinaqtala bastaidy. Abaidyń shákirtteri Kókbai, Ýáiis, Beisembai aýzynan negizgi óleńderi jazylyp alynady. Jinaqtalǵan, júielengen shyǵarmalardy Múrseiit Bikeuly men uly Turaǵul kóshirip, qaǵaz betine túsiredi. Bul ýaqytta Ahmet Baitursynovtyń «Qazaq» gazetine Abai týraly «Qazaqtyń bas aqyny» degen maqalasy jaryq kóredi. Derekti filmde Abai shyǵarmalaryn jinaqtap, baspaǵa berý isine Álihan Bókeihanovtyń atsalysqany týraly aitylady. Sol ýaqyttaǵy musylman ádebietterin shyǵaratyn Ilias Boraganskii Álihan Bókeihanovtyń ótinishimen kitapqa ataqty túrkolog Platon Melioranskiidi jaýapty redaktor etip bekitkeni týraly derekter keltiriledi. Film osylaisha uly Abai murasynyń qaǵaz betine tańbalaný tarihyn jan-jaqty baiandaidy.
Ulttyq arna derekti filmniń túsirim jumystaryn Shyńǵystaý óńiri, Semei, Omby, Qazan, Sankt-Peterbýrg qalalarynda júrgizdi. Jobada qundy mura tarihy týraly «Jidebai-Bórili» qoryq-murajaiynyń direktory Turdyǵul Shańbaidyń, tarihshy Sultan Han Aqqululy men abaitanýshy ǵalym Tursyn Jurtbaidyń pikirleri berilgen.
Derekti film «Qazaqstan» arnasynan 26-27 jeltoqsan kúnderi 17:40 ta efirge shyǵady.
