26-27 جەلتوقسان كٷندەرٸ 17:40-تا «Qazaqstan» ۇلتتىق تەلەارناسى تٷسٸرگەن «ابايدىڭ العاشقى كٸتابى» ەكٸ بٶلٸمدٸ دەرەكتٸ فيلمٸ ەفيرگە شىعادى, دەپ حابارلايدى "ۇلت اقپارات".
فيلم ابايدىڭ 1909 جىلى سانكت پەتەربۋرگتەگٸ يلياس بوراگانسكيي باسپاسىندا باسىلعان العاشقى شىعارمالار جيناعىنىڭ جارىق كٶرۋ تاريحىنا ارنالادى.
اباي دٷنيەدەن ٶتكەن سوڭ, تۇراعۇل ابايۇلى مەن كەكٸتاي ىسقاقۇلىنىڭ ۇيىمداستىرۋىمەن ەل ٸشٸندەگٸ ابايدىڭ قاعاز بەتٸنە تٷسكەن شىعارمالارى جيناقتالا باستايدى. ابايدىڭ شەكٸرتتەرٸ كٶكباي, ۋەيٸس, بەيسەمباي اۋزىنان نەگٸزگٸ ٶلەڭدەرٸ جازىلىپ الىنادى. جيناقتالعان, جٷيەلەنگەن شىعارمالاردى مٷرسەيٸت بٸكەۇلى مەن ۇلى تۇراعۇل كٶشٸرٸپ, قاعاز بەتٸنە تٷسٸرەدٸ. بۇل ۋاقىتتا احمەت بايتۇرسىنوۆتىڭ «قازاق» گازەتٸنە اباي تۋرالى «قازاقتىڭ باس اقىنى» دەگەن ماقالاسى جارىق كٶرەدٸ. دەرەكتٸ فيلمدە اباي شىعارمالارىن جيناقتاپ, باسپاعا بەرۋ ٸسٸنە ەليحان بٶكەيحانوۆتىڭ اتسالىسقانى تۋرالى ايتىلادى. سول ۋاقىتتاعى مۇسىلمان ەدەبيەتتەرٸن شىعاراتىن يلياس بوراگانسكيي ەليحان بٶكەيحانوۆتىڭ ٶتٸنٸشٸمەن كٸتاپقا اتاقتى تٷركولوگ پلاتون مەليورانسكييدٸ جاۋاپتى رەداكتور ەتٸپ بەكٸتكەنٸ تۋرالى دەرەكتەر كەلتٸرٸلەدٸ. فيلم وسىلايشا ۇلى اباي مۇراسىنىڭ قاعاز بەتٸنە تاڭبالانۋ تاريحىن جان-جاقتى باياندايدى.
ۇلتتىق ارنا دەرەكتٸ فيلمنٸڭ تٷسٸرٸم جۇمىستارىن شىڭعىستاۋ ٶڭٸرٸ, سەمەي, ومبى, قازان, سانكت-پەتەربۋرگ قالالارىندا جٷرگٸزدٸ. جوبادا قۇندى مۇرا تاريحى تۋرالى «جيدەباي-بٶرٸلٸ» قورىق-مۇراجايىنىڭ ديرەكتورى تۇردىعۇل شاڭبايدىڭ, تاريحشى سۇلتان حان اققۇلۇلى مەن ابايتانۋشى عالىم تۇرسىن جۇرتبايدىڭ پٸكٸرلەرٸ بەرٸلگەن.
دەرەكتٸ فيلم «Qazaqstan» ارناسىنان 26-27 جەلتوقسان كٷندەرٸ 17:40 تا ەفيرگە شىعادى.
