Úkimet Abai Qunanbaiulynyń týǵanyna 175 jyl tolýyna orai 500-ge jýyq is-shara ótkizýdi josparlaýda. Bul týraly primeminister.kz saitynda habarlandy.
Búgin Nur-Sultan qalasynda QR premer-ministriniń orynbasary Gúlshara Ábdiqalyqovanyń tóraǵalyǵymen 2020 jyly qazaq halqynyń uly aqyny, aǵartýshysy Abai Qunanbaiulynyń týǵanyna 175 jyldyq mereitoiyn daiyndaý jáne ótkizý jónindegi memlekettik komissiianyń alǵashqy otyrysy ótti.
Biyl 30 mamyrda «Abai Qunanbaiulynyń 175 jyldyq mereitoiyn merekeleý týraly» QR prezidenti Qasym-Jomart Toqaevtyń Jarlyǵy bekitildi. Mereitoidy daiyndaý jáne ótkizý jónindegi memlekettik komissiia quryldy. Onyń quramyna Parlament depýtattary B. Jumaǵulov, S. Ábdirahmanov, kórnekti jazýshylar men qoǵam qairatkerleri O. Súleimenov, R. Seisenbaev M. Áýezov, ortalyq memlekettik organdardyń basshylary, sondai-aq elimizdiń akademiialyq jáne shyǵarmashylyq qaýymynyń ókilderi endi.
Vitse-premer otyrystyń ashylýynda Elbasy Nursultan Nazarbaevtyń sózderine kóńil aýdartty.
«Abai - álem moiyndaǵan dana ustaz, aqyn jáne adamzattyń danyshpany. Danyshpan Abaidyń ulylyǵy men ereksheligi, tabandylyq pen maqsattylyqty dáriptei jáne onyń óz ultynyń sanasyna engize otyryp, ulttyq rýhty buryn-sońdy bolmaǵan biiktikke kótere aldy. Biz Abaidyń boiynan tabylatyn tulǵaǵa laiyqty, maqtan tutatyn rýhani tiregimizdiń baryna alǵys aitýymyz kerek», - dedi Gúlshara Ábdiqalyqova.
Otyrysta halyqaralyq, respýblikalyq jáne óńirlik deńgeidegi 500-ge jýyq túrli is-sharalar ótkizý josparlanǵan Abai Qunanbaiulynyń 175 jyldyq mereitoiyn daiyndaý jáne ótkizý jónindegi jalpyrespýblikalyq jospar jobasy qarastyryldy.
Máselen, Nur-Sultan qalasynda halyqaralyq ǵylymi-tájiribelik konferentsiia, Parij qalasyndaǵy IýNESKO-nyń shtab-páterinde «Abai» kórkem filminiń óndirisi men shyǵarylymy, Abai shyǵarmalarynyń shet tilderine aýdarylýy men jaryqqa shyǵarylýy, sondai-aq Abai úii-mýzeiiniń jan-jaqty tanymaldyǵyn arttyrý is-sharalary, Abaidyń «Jidebai-Bórili» memlekettik tarihi-mádeni jáne ádebi-memorialdyq mýzei-qoryǵyna ǵylymi-restavratsiialyq jumystar júrgizý, Abaidyń ákesi – Qunanbaidyń tulǵalyq mańyzdylyǵy men tarihi-mádeni rólin arttyrý boiynsha sharalar qabyldaý kózdelgen.
Buǵan qosa, búgingi kúni áleýmettik jelilerde sátti iske asyrylǵan #Abai175 chellendji jahandyq formatta jalǵasyn tabatyn bolady.
«Abai Qunanbaiulynyń 175 jyldyq mereitoiyn merekeleý halyqtyń tarihi sanasyna sińirý jáne elimizdiń rýhani mádenietin jahandyq formatta ilgeriletýge baǵyttalǵan Táýelsiz Qazaqstannyń jańa tarihyndaǵy mańyzdy oqiǵalardyń biri», - dep atap ótti vitse-premer.
Sońynda QR premer-ministriniń orynbasary Gúlshara Ábdiqalyqova memlekettik organdarǵa birqatar tapsyrma berdi.
