Taiaý kúnderi Mysyre elinde Qazaqstan elshiliginiń uiymdastyrýymen «Qazaqtyń uly aqyny, oishyl, filosof Abaidyń týǵanyna 175 jyl» atty vebinar ótti, dep habarlaidy Nur-Múbarak Egipet islam mádenieti ýniversitetiniń baspasóz qyzmeti.
Onlain formatta ótken sharaǵa Qazaqstan tarapynan Nur-Múbarak ýniversitetiniń PhD doktory Qurmanǵazy Sadybaev pen Ál-Farabi ýniversitetiniń PhD doktory Yqtiiar Paltóre qatysty.
Odan ózge atalǵan vebinarǵa qatysýshylardyń ishinde Mysyr eliniń bilikti til mamandary men ádebietshiler jáne oqý-aǵartý isindegi qairatkerleri de boldy.
Kemeńger tulǵanyń 175 jyldyǵyna orai Q.Sadybaevtyń tárjimalaýymen aqynnyń óleńderi men poemalar jinaǵy, al qara sózderi Y.Paltóreniń aýdarýymen arab tilinde oqyrmanǵa usynylady.
Kitap Birikken Arab elderi ligasy men Qazaqstandaǵy Ulttyq aýdarma biýrasy qoǵamdyq qorynyń jetekshilgimen jaqyn kúnderi jaryq kóredi.
Eske salsaq, Abaidyń shyǵarmalaryn álemniń on tiline aýdarý QR Prezidenti Q.Toqaevtyń bastamasymen uly qazaq aqyny jáne oishylynyń 175 jyldyǵyna orai júzege asyryldy.
Bul týraly Mysyrdaǵy «Ahbarýl iáým» gazetinde jariialandy.
