Qazaqtyń uly aqyny Abaidyń 175 jyldyq mereitoiyna arnalǵan chelendj jer júzin sharlap, aqyn murasy álemniń alýan tilinde oqyla bastady.
Endi oǵan ázerbaijan xalqynyń áigili ánshi-kompozitory, kezinde 18 jyl qatarynan óz eliniń mádeniet ministrligin basqaryp, búginde Ázerbaijannyń Reseidegi elshisi qyzmetin atqaratyn Polad Bulbuloǵly qosyldy, dep habarlaidy QazAqparat.
Ol Mákeýdegi Nizami Gánjáýi eskertkishiniń janynda turyp, «Meniń jaqyn dosym Muxtar Qul-Muxammed Abaiǵa arnalǵan jyr sherýine qatysýdy usyndy. Men muny rizalyqpen qabyldadym. Máskeýde Abai men Nizamidiń eskertkishteri bar. Men eki uly aqynymyzdyń basyn dál osy úndestik arqyly qosqym keledi» dei kelip, dana Abaidyń «Júregim, neni sezesiń» óleńin ázerbaijan tilinde oqyp berdi.
