Foto: Oqý-aǵartý ministrligi
Abai atyndaǵy respýblikalyq mamandandyrylǵan daryndy balalarǵa arnalǵan qazaq tili men ádebietin tereńdete oqytatyn orta mektep-internatynyń jańa ǵimaratynyń qurylysy bastaldy, dep habarlaidy Ult.kz.
Qasym-Jomart Toqaev 2020 jyly Semei óńirinde abaitanýshy ǵalymdarmen kezdesýinde Abai atyndaǵy respýblikalyq mektep-internatyn zamanaýi talapqa sai jetildirip, eń úzdik bilim ordasyna ainaldyrý, gýmanitarlyq salany damytý, onyń ishinde qazaq tili men ádebietin oqytýǵa basa mán berý týraly tapsyrma bergen bolatyn.
Foto: Oqý-aǵartý ministrligi
Osy maqsatta búgingi tańda Abai atyndaǵy respýblikalyq qazaq tili men ádebietin tereńdete oqytatyn mektep-internatyn «Abai ulttyq mektebine» transformatsiialaý tujyrymdamasy jasalýda. Sondai-aq Prezident bastamasymen elimizde gýmanitarlyq pánderdi tereńdetip oqytatyn Abai atyndaǵy mektepter men mektep-internattar jelisi damýda.
Qurylysy bastalǵan jańa ǵimarat nysany 900 oqýshy ornyna arnalǵan. Onyń infraqurylymynda mektep-pansion, muǵalimder úii, kitaphana, ABAY-arena sport kesheni, jylyjai aýmaqtary jáne taǵy basqa qurylys nysandary qarastyrylǵan.
Bilim uiymyn 2025 jyly qyrkúiekten bastap qoldanysqa berý josparlanǵan.
Foto: Oqý-aǵartý ministrligi
Jańa ǵimarattyń alǵashqy qazyǵyn qaǵý rásiminde sóz sóilegen oqý-aǵartý ministri Ǵani Beisembaev Abai ulttyq mektebiniń bolashaqta barlyq mekteptiń kóshin bastaityn úlgili bilim oshaǵyna ainalatynyna senim bildirdi.
«Memleket basshysy ana tilimiz ben tól ádebietimizdiń qadir-qasietin balalarǵa mektep jasynan bastap sińirýdi, bul baǵytta biryńǵai ustanym ázirleýdi tapsyrdy. Abai mektepteri jelisi úshin birtutas «ABAY-Programme» baǵdarlamasyn ázirleý qolǵa alyndy. Respýblikalyq Abai mektebin transformatsiialaý arqyly biz til men ádebietti tereńdetip oqytyp qana qoimai, elimizdiń bolashaq intellektýaldy áleýetin qalyptastyrýǵa qadam jasaimyz», - dedi oqý-aǵartý ministri Ǵani Beisembaev.
