Abai Qunanbaiulynyń 175 jyldyǵy qurmetine aqyn týraly teleserial jáne birneshe derekti film túsiriledi. Bul týraly memleket basshysy Qasym-Jomart Toqaevtyń "Abai jáne HHI ǵasyrdaǵy Qazaqstan" atty maqalasynda aitylǵan, – dep habarlaidy "Ult aqparat".
"Aqynnyń ómiri, murasy, qazaq mádenietin damytýdaǵy róli týraly birneshe derekti film jáne "Abai" teleserialy túsiriledi", - delingen maqalada.
Mańyzdy jobanyń biri – uly aqynnyń shyǵarmalaryn on tilge aýdaryp, basyp shyǵarý. Atap aitqanda, Abai eńbekteri aǵylshyn, arab, japon, ispan, italian, qytai, nemis, orys, túrik, frantsýz tilderine tárjimalanady.
"Aqyn toiynan óner salasy da tys qalmaidy. Respýblikalyq jáne halyqaralyq deńgeide teatr jáne mýzyka festivalderi ótedi. Biylǵy báigeler Abai shyǵarmashylyǵyna arnalady. Ádebiet jáne óner salasyndaǵy úzdik shyǵarmalarǵa beriletin memlekettik syilyq endi Abai atyndaǵy memlekettik syilyq dep atalatyn bolady", - dep jazdy Toqaev maqalasynda.
Sonymen qatar, tamyz aiynda Semei qalasynda IýNESKO-men birlesip "Abai murasy jáne álemdik rýhaniiat" halyqaralyq ǵylymi-praktikalyq konferentsiiasy ótedi.
Al qazanda Nur-Sultanda "Abai jáne rýhani jańǵyrý máseleleri" taqyrybynda halyqaralyq konferentsiia ótedi.
Prezidenttiń aitýynsha, bul jiyndarda Abaidyń tulǵasy men murasy jan-jaqty zerdelenip, onyń shyǵarmashylyǵyn HHI ǵasyrdaǵy jańa Qazaqstannyń igiligine paidalanýǵa jol ashylady.
Sonymen qatar, Shyǵys Qazaqstan oblysynyń Aqshoqy eldi mekenindegi Qunanbai Óskenbaiuly áýletiniń qorymy abattandyrylady.
"Abaidyń tulǵasy men murasyn ulyqtaý shetelderde de jalǵasady. Reseidegi, Frantsiiadaǵy, Ulybritaniiadaǵy jáne basqa da memleketterdegi Qazaqstannyń elshilikteri janynan "Abai ortalyqtaryn" qurý josparlanyp otyr. Bul mádeni is-sharalardy ysyrapshyldyqqa jol bermei uiymdastyrý qajet", - dedi memleket basshysy.
Aita ketsek, osy jyly Abaidyń 175 jyldyǵyna orai halyqaralyq, respýblikalyq jáne aimaqtyq deńgeide 500-den astam is-shara uiymdastyrylady.
