QR Mádeniet jáne sport ministri Aqtoty Raiymqulova jaqyn arada Abai týraly qandai filmderge memlekettik qarjylyq qoldaý kórsetiletindigi týraly aitty, dep habarlaidy QazAqparat.
Búgin Parlament Májilisindegi Úkimet saǵatynan keiin tilshiler ministrden Abai týraly kórkem filmdi kim túsiretindigin surady.
«Ózderińiz bilesizder, Ulttyq kinony qoldaý ortalyǵynda osy kúnderi, iaǵni bir apta boiy ashyq baiqaý ótip jatyr. Bul baiqaýdyń nátijesinde qandai kórkem filmder, qandai derekti filmder, sondai-aq qai nusqalar men jobalar qoldaý tapqanyn biletin bolamyz. Sonymen qatar, sarapshylyq komissiia (27 aqpan men 6 naýryz aralyǵynda) qaraýynda úlken ári mańyzdy suraqtar qaralady», - dedi Aqtoty Raiymqulova.
Budan buryn habarlanǵandai, Abai týraly birneshe derekti film men teleserial túsiriletini aitylǵan edi. Bul týraly elordadaǵy Abaidyń 175 jyldyq mereitoiynyń resmi ashylýyna arnalǵan saltanatty sharada QR Mádeniet jáne sport ministri Aqtoty Raiymqulova málim etti.
Esterińizge salsaq, 2019 jyldyń naýryz aiynda Qazaqstan Táýelsizdik alǵaly osy salada qabyldanǵan alǵashqy zańnamalyq qujat - QR «Kinematografiia týraly» zańǵa sáikes Ulttyq kinony qoldaý memlekettik ortalyǵy quryldy.
Bul uiymnyń qyzmetiniń negizgi baǵyty ulttyq kinony qoldaý, ony halyqaralyq deńgeige kóterý jáne álemdik naryqqa shyǵarý, Qazaqstan kinoóndirisine investitsiia tartý. Atalǵan ortalyq arqyly ulttyq filmderge, ulttyq film ataǵyn ielenýge nietti kinojobalarǵa memleket tarapynan qarjylai qoldaý kórsetiledi, sonymen qatar kinematografiia salasynda sýbsidiia beriledi.
