Abaidyń shyǵarmalary 10 shet tiline aýdarylady. Bul týraly QR Mádeniet jáne sport ministri Aqtoty Raiymqulova aitty, dep habarlaidy QazAqparat.
«Aldaǵy jyly Ál-Farabidiń 1150 jyldyq, Abai 175 jyldyq mereitoilaryn atap ótemiz. Prezident Qasym-Jomart Toqaev mereitoi barysynda bos ysyrapshylyqqa jol bermei, ǵulama tulǵalardyń eńbekterin halyq arasynda keńinen dáripteýdi tapsyrǵan edi. Qyrkúiek aiynyń basynda Abai atamyzdyń 175 jyldyq mereitoiyn atap ótý jónindegi memlekettik komissiia otyrysy ótti», - deidi ministr Ortalyq kommýnikatsiialar qyzmetinde ótken brifingte.
Ol mereitoi aiasynda ótkiziletin sharalar jobasy týraly aityp ótti.
«Abaidyń tolyq shyǵarmalaryn 10 tilge aýdaryp, basyp shyǵarmaqpyz. Budai bólek Abaidyń ómiri, shyǵarmashylyǵy, murasy jáne qazaq mádenietin damytýdaǵy róli týraly 3 derekti film túsirilip, túrkitildes elderge kórsetilmek. Kelesi jyldyń basynan «Uly dalanyń uly aqyny» atty halyqaralyq poeziialyq, ánder jáne kúiler festivalin ótkizbekpiz. Biz mereitoi degende bir kúndik emes, júieli, mazmundy jáne uzaq merzimdi jobalarǵa basymdyq berýdi jón dep sanap otyrmyz», - deidi ol.
Eske sala ketsek, buǵan deiin QR Mádeniet jáne sport ministri kitaphana, teatr, mýzei qyzmetkerleriniń jalaqysy ósetinin týraly aitqan bolatyn.
