ابايدىڭ شىعارمالارى 10 شەت تٸلٸنە اۋدارىلادى. بۇل تۋرالى قر مەدەنيەت جەنە سپورت مينيسترٸ اقتوتى رايىمقۇلوۆا ايتتى, دەپ حابارلايدى قازاقپارات.
«الداعى جىلى ەل-فارابيدٸڭ 1150 جىلدىق, اباي 175 جىلدىق مەرەيتويلارىن اتاپ ٶتەمٸز. پرەزيدەنت قاسىم-جومارت توقاەۆ مەرەيتوي بارىسىندا بوس ىسىراپشىلىققا جول بەرمەي, عۇلاما تۇلعالاردىڭ ەڭبەكتەرٸن حالىق اراسىندا كەڭٸنەن دەرٸپتەۋدٸ تاپسىرعان ەدٸ. قىركٷيەك ايىنىڭ باسىندا اباي اتامىزدىڭ 175 جىلدىق مەرەيتويىن اتاپ ٶتۋ جٶنٸندەگٸ مەملەكەتتٸك كوميسسييا وتىرىسى ٶتتٸ», - دەيدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
ول مەرەيتوي اياسىندا ٶتكٸزٸلەتٸن شارالار جوباسى تۋرالى ايتىپ ٶتتٸ.
«ابايدىڭ تولىق شىعارمالارىن 10 تٸلگە اۋدارىپ, باسىپ شىعارماقپىز. بۇداي بٶلەك ابايدىڭ ٶمٸرٸ, شىعارماشىلىعى, مۇراسى جەنە قازاق مەدەنيەتٸن دامىتۋداعى رٶلٸ تۋرالى 3 دەرەكتٸ فيلم تٷسٸرٸلٸپ, تٷركٸتٸلدەس ەلدەرگە كٶرسەتٸلمەك. كەلەسٸ جىلدىڭ باسىنان «ۇلى دالانىڭ ۇلى اقىنى» اتتى حالىقارالىق پوەزييالىق, ەندەر جەنە كٷيلەر فەستيۆالٸن ٶتكٸزبەكپٸز. بٸز مەرەيتوي دەگەندە بٸر كٷندٸك ەمەس, جٷيەلٸ, مازمۇندى جەنە ۇزاق مەرزٸمدٸ جوبالارعا باسىمدىق بەرۋدٸ جٶن دەپ ساناپ وتىرمىز», - دەيدٸ ول.
ەسكە سالا كەتسەك, بۇعان دەيٸن قر مەدەنيەت جەنە سپورت مينيسترٸ كٸتاپحانا, تەاتر, مۋزەي قىزمەتكەرلەرٸنٸڭ جالاقىسى ٶسەتٸنٸن تۋرالى ايتقان بولاتىن.
