Taiaý arada Abai shyǵarmalarynyń akademiialyq tolyq jinaǵy jaryqqa shyǵady. Bul týraly M.Áýezov atyndaǵy Ádebiet jáne óner institýtynyń direktory Kenjehan Matyjanov málim etti, dep habarlaidy QazAqparat.
«Biyl institýt óziniń 3 jyldyq jobalaryn aiaqtaidy. 12 monografiianyń ishinde qazaq ádebietiniń irgeli máselelerine, qazaq folkloryna, qazirgi qazaq ádebietiniń damý órisine qatysty jańa eńbekter jaryq kóredi. Sonymen qosa bizdiń oqý ordasy Óner institýty atalǵandyqtan qazaq óneriniń ártúrli salalary boiynsha irgeli zertteýler jaryq kóredi. Qazaq mýzykasy, teatry, kinoóneri jáne beineleý óneriniń máseleleri jóninde jańa eńbekter oqyrmanǵa jol tartady», - dedi Kenjehan Matyjanov Bilim jáne ǵylym ministrliginiń apparat jiynynda.
Institýt basshysynyń aitýynsha, 2019 jyly «Dala folklory» antologiiasynyń bes tomy shyqqan. Odan bólek, «Uly dalanyń kóne saryndary» antologiiasynyń bir tomy, «Ejelgi dáýir ádebieti» antologiiasynyń bir tomy zamanǵa sai tsifrlyq-elektrondy formatta oń myń danamen kitaphanalarǵa taratylǵan.
«Bul - buryn-sońdy mundai formatta jaryq kórmegen jinaqtar. Ásirese munyń elektrondy jáne aýdionusqasy qazirgi oqyrmandardy erekshe qyzyqtyryp otyr. Sonymen qatar biyl Uly Abaidyń 175 jyldyq mereitoiyna tartý retinde aqyn shyǵarmalarynyń akademiialyq tolyq jinaǵy jaryq kóredi. Qazir baspada tur. Búgin-erteń qolymyzǵa tiedi dep eseptep otyrmyz. Bul – shirek ǵasyrdan keiin qaitadan jaryq kórip otyrǵan eń tolyq jinaǵy sanalady. Ol - akademiialyq ǵylymi jinaq», - dedi ol.
Eske sala ketsek, osy otyrysta Bilim jáne ǵylym ministri Ashat Aimaǵambetov M.Áýezov atyndaǵy Ádebiet jáne óner institýtynyń barlyq jádigeri men qujatyn tsifrlandyrýdy tapsyrǵan bolatyn.
