Tatarstan prezidenti Rýstam Minnihanov qazaq aqyny, uly Abaidyń 175 jyldyǵyna arnalǵan estafetaǵa qatysty. Tatar basshysy aqynnyń óleńinen úzindi oqyǵan videony Instagram-daǵy jeke paraqshasynda jariialady, dep habarlaidy Tatar-inform saity.
«Men óz dosym – Shyǵys Qazaqstan oblysynyń ákimi Danial Kenjetaiuly Ahmetovten estafetany qýana qabyldadym jáne ony Qazaqstan Respýblikasynda turatyn tatar diasporasyna joldaimyn», – dedi Minnihanov.
Eske sala keteiik, 2020 jyly qazaqtyń uly aqyny, kompozitor jáne aǵartýshy Abaidyń týǵanyna 175 jyl tolady. Ol – qazaq jazba ádebietiniń negizin salýshy jáne tuńǵysh klassik.
«Qunanbaevtyń mereitoiyna orai uiymdastyrylǵan fleshmob áleýmettik jelilerde qarqyn alýda. Qatysýshylar klassiktiń óleńderin oqyp, ánderin oryndaýda. Fleshmobqa Qazaqstan Prezidenti Qasym-Jomart Toqaev, ánshi Dimash Qudaibergenov, kompozitor Igor Krýtoi da qosylǵan bolatyn», - dep jazady Tatar-inform
