Foto: Gov.kz
Almaty Medeý muz aidynynda ótken «Alaman quraq – 2025» mádeni jobasynda eldiń ár óńirinen jinalǵan 660 quraqshy jalpy kólemi 1366 sharshy metrge jaiylǵan quraq kórpe qurap, bul kórsetkish Global Book of Records dúniejúzilik rekordtar kitabyna tirkeldi, dep habarlaidy Ult.kz.
Aýqymdy jobaǵa Abai jáne Shyǵys Qazaqstan oblystarynan barlyǵy 34 quraqshy qatysty. Onyń ishinde Abai oblysynan 13 muǵalim men 2 oqýshy bar. Qatysýshylar Semei, Aiagóz, Kókpekti aýdandary men Abai aýdany (Qaraýyl aýyly) bilim berý mekemelerinen jinaldy.
Abai jáne ShQO boiynsha jobanyń óńirlik úilestirýshisi – Semei qalasyndaǵy №19 mekteptiń muǵalimi Baqytjan Shapenova. Onyń jetekshiligimen óńir atynan qatysýshylar ulttyq ónerdi joǵary deńgeide nasihattap, aimaqtyń atyn álemdik rekordtyq jobada tanytty.
