Jańadan qurylǵan Abai oblysynyń ákimi taǵaiyndaldy, - dep habarlaidy "Ult aqparat" Aqordanyń resmi saityna silteme jasap.
"Nurlan Telmanuly Uranhaev Abai oblysynyń ákimi laýazymyna taǵaiyndalsyn", - delingen Prezident Jarlyǵynda.
Nurlan Uranhaev 1965 jyly 4 mamyrda Semei qalasynda dúniege kelgen.
1987 jyly V.I. Lenin atyndaǵy Qazaq politehnikalyq institýtyn injener-mehanik, 2001 jyly Qazaq qarjy-ekonomikalyq institýtyn ekonomist-menedjer, 2006 jyly Shyǵys Qazaqstan memlekettik tehnikalyq ýniversitetin injener-qurylysshy mamandyǵy boiynsha támamdaǵan.
Eńbek jolyn 1987 jyly slesar-montajshy bolyp bastady. Budan keiingi jyldarda ol Semei qalasynyń «Kazpromtehmontaj» tresinde master, prorab bolyp istedi.
Ár jyldary Semei qalasyndaǵy «Sary-Arqa» AÓK basshysy, «Kazirkýtskles» AOZT bas direktory, Shyǵys Qazaqstan oblysy energetika, turǵyn úi-kommýnaldyq sharýashylyq, qurylys jáne kólik barqarmasynyń basshysy, Shyǵys Qazaqstan oblysy kúrdeli qurylys basqarmasynyń bastyǵy, Shyǵys Qazaqstan oblysy ákiminiń orynbasary, Astana qalasynyń TJM memlekettik materialdyq rezervi komitetiniń tóraǵasy, Qazaqstan Respýblikasy Prezidenti Ákimshiliginde memlekettik inspektor, «Ertis» ÁKK basqarma basshysynyń orynbasary, Qyzylorda oblysy ákiminiń orynbasary, Semei qalasy gýmanitarlyq zań ýniversiteti prezidentiniń keńesshisi, Qazaqstan Respýblikasy tutynýshylardyń quqyqtaryn qorǵaý agenttigi tóraǵasynyń orynbasary, Ulttyq ekonomika ministrliginiń «QazQSǴZJI» AQ bas direktory, Almaty qalasy sáýlet jáne qala qurylysy basqarmasynyń basshysy qyzmetterin atqarǵan.
Al, búginge deiin Nur-Sultan qalasynyń sáýlet, qala qurylysy jáne jer qatynastary basqarmasynyń basshysy boldy.
