Foto: Aqorda
Abai oblysynda traktormen órt sóndirýge shyǵyp, joǵalyp ketken Sergei Arhipov óli tabyldy, - dep habarlaidy "Ult aqparat" IIM baspasóz qyzmetine silteme jasap.
"️Abai oblysynyń politseileri 10 maýsymda habar-osharsyz joǵalyp ketken Besqaraǵai aýdany Dolon aýylynyń turǵyny Sergei Nikolaevich Arhipovty izdeý is-sharalaryn júrgizý barysynda órtti sóndirý ornynan 50 shaqyrym jerde zorlyq-zombylyqpen ólim belgileri joq máiitin tapty", - delingen habarlamada.
Er adamnyń denesi qyzmettik ittiń kómegimen tabylǵan.
"Ol Abai oblysy PD-niń kinologiialyq esebiniń quramynda jumys barysynda signal berip, traktor tabylǵan jerden orman jolaǵyna deiin er adamnyń jolymen júrdi.
Sot-meditsinalyq saraptama taǵaiyndaldy, onyń nátijeleri boiynsha protsestik sheshim qabyldanady.
Qylmystyq-protsestik kodekstiń 201-babynyń 1-bóligine sáikes sotqa deiingi tergep-tekserýdiń derekteri jariialanbaidy" - delingen habarlamada.
Keiinirek er adamnyń júrek jetkiliksizdiginen qaitys bolǵany belgili boldy.
"Alǵashqy tekserý kezinde er adamnan zorlyq-zombylyqpen qaitys bolý belgileri, sondai-aq órtten qaza bolǵandyǵyn kórsetetin belgiler tabylǵan joq. Júrgizilgen sot-meditsinalyq saraptamanyń qorytyndysyna sáikes er adamnyń ólimi júrek jetkiliksizdigi - kardiomiopatiia nátijesinde bolǵandyǵy anyqtaldy" - delingen IIM baspasóz qyzmeti habarlamasynda.
