فوتو: اقوردا
اباي وبلىسىندا تراكتورمەن ٶرت سٶندٸرۋگە شىعىپ, جوعالىپ كەتكەن سەرگەي ارحيپوۆ ٶلٸ تابىلدى, - دەپ حابارلايدى "ۇلت اقپارات" ٸٸم باسپاسٶز قىزمەتٸنە سٸلتەمە جاساپ.
"️اباي وبلىسىنىڭ پوليتسەيلەرٸ 10 ماۋسىمدا حابار-وشارسىز جوعالىپ كەتكەن بەسقاراعاي اۋدانى دولون اۋىلىنىڭ تۇرعىنى سەرگەي نيكولاەۆيچ ارحيپوۆتى ٸزدەۋ ٸس-شارالارىن جٷرگٸزۋ بارىسىندا ٶرتتٸ سٶندٸرۋ ورنىنان 50 شاقىرىم جەردە زورلىق-زومبىلىقپەن ٶلٸم بەلگٸلەرٸ جوق مەيٸتٸن تاپتى", - دەلٸنگەن حابارلامادا.
ەر ادامنىڭ دەنەسٸ قىزمەتتٸك يتتٸڭ كٶمەگٸمەن تابىلعان.
"ول اباي وبلىسى پد-نٸڭ كينولوگييالىق ەسەبٸنٸڭ قۇرامىندا جۇمىس بارىسىندا سيگنال بەرٸپ, تراكتور تابىلعان جەردەن ورمان جولاعىنا دەيٸن ەر ادامنىڭ جولىمەن جٷردٸ.
سوت-مەديتسينالىق ساراپتاما تاعايىندالدى, ونىڭ نەتيجەلەرٸ بويىنشا پروتسەستٸك شەشٸم قابىلدانادى.
قىلمىستىق-پروتسەستٸك كودەكستٸڭ 201-بابىنىڭ 1-بٶلٸگٸنە سەيكەس سوتقا دەيٸنگٸ تەرگەپ-تەكسەرۋدٸڭ دەرەكتەرٸ جارييالانبايدى" - دەلٸنگەن حابارلامادا.
كەيٸنٸرەك ەر ادامنىڭ جٷرەك جەتكٸلٸكسٸزدٸگٸنەن قايتىس بولعانى بەلگٸلٸ بولدى.
"العاشقى تەكسەرۋ كەزٸندە ەر ادامنان زورلىق-زومبىلىقپەن قايتىس بولۋ بەلگٸلەرٸ, سونداي-اق ٶرتتەن قازا بولعاندىعىن كٶرسەتەتٸن بەلگٸلەر تابىلعان جوق. جٷرگٸزٸلگەن سوت-مەديتسينالىق ساراپتامانىڭ قورىتىندىسىنا سەيكەس ەر ادامنىڭ ٶلٸمٸ جٷرەك جەتكٸلٸكسٸزدٸگٸ - كارديوميوپاتييا نەتيجەسٸندە بولعاندىعى انىقتالدى" - دەلٸنگەن ٸٸم باسپاسٶز قىزمەتٸ حابارلاماسىندا.
