Foto: pexels.com
Abai oblysyndaǵy Orlov shahtasynda jumysshy qaza tapty. Bul týraly KAZ Minerals Tobynyń Telegram-daǵy arnasyndaǵy málimeti boiynsha, oqiǵa 2024 jylǵy 19 qyrkúiekte bolǵan.
"Shamamen saǵat 14.20-da Orlov shahtasynda kásiporynnyń eki qyzmetkeri jaraqat aldy. Aldyn ala anyqtalǵan sebebi – taý-ken massasynyń opyrylýy. Alǵan jaraqattardyń saldarynan zardap shekkenderdiń biri aýrýhanada qaitys boldy. Ekinshi qyzmetker meditsinalyq kómek kórsetilgennen keiin úiine qaitty", - delingen habarda.
Oqiǵanyń mán-jaiy men sebepteri anyqtalyp jatyr. Qaiǵyly jaǵdaidy tergeý boiynsha arnaiy komissiia qurylǵan.
KAZ Minerals Toby direktorlar keńesiniń tóraǵasy Oleg Novachýk jazataiym oqiǵany tergeýge qatysý úshin óńirge bardy.
"KAZ Minerals tobynyń basshylyǵy men ujymy marqumnyń týystary men jaqyndaryna qaiǵyra kóńil aitady. Kompaniia qaza bolǵan qyzmetkerdiń otbasyna jan-jaqty kómek kórsetedi", - delingen habarlamada.
