Foto: ashyq derekkóz
Abai oblysynda agrobiznes salasyn qoldaýǵa baǵyttalǵan iri kólemdegi qarjynyń jymqyrylý deregi boiynsha tergeý aiaqtaldy, dep habarlaidy Ult.kz.
Tergeý málimetinshe, «Agrobiznes» baǵdarlamasy aiasynda fermerlerge arnalǵan jeńildetilgen nesielerdi sharýa qojalyǵynyń basshysy zańsyz jolmen iemdengen.
Atap aitqanda, «Yqybai» sharýa qojalyǵynyń jetekshisi jalǵan qujattar tapsyryp, iri qara mal satyp alý maqsatynda jalpy somasy 250 million teńgeden asatyn eki nesie rásimdegen.
Alaida qarjy aýyl sharýashylyǵyn damytýǵa jumsalmaǵan. Qujattarda kórsetilgen mal da, kepilge qoiylǵan múlik te is júzinde bolmaǵan. Qarajat jeke maqsattarǵa paidalanylǵan. Nátijesinde memleketke 211 million teńge kóleminde zalal kelgen, – dep habarlady Qarjylyq monitoring agenttigi.
Tergeý barysynda kúdikti keltirilgen shyǵyndy tolyq ótegen. Qazir oǵan qatysty elden shyǵýǵa tyiym salý túrindegi bultartpaý sharasy qoldanylyp otyr.
Qylmystyq is sotqa joldandy.
