Abai oblysynda shegirtke qaptady. Ziiankester Úrjar aýdanyndaǵy jaiylym men shabyndyq jerlerdi otap jatyr.
31-arnanyń Informbiýro jańalyqtar baǵdarlamasynyń habarlaýynsha, Abai oblysyndaǵy sharýalar shegirtkeden mezi bolyp, jergilikti bilikten kómek suraidy. Olar gektar-gektar alqapqa jaiylǵan jándikpen kúresý ońai emes deidi.
"Eltaidyń Sarterek ýchaskesine Alakól jaqtan aziialyq shegirtke qaptap, kesheden beri qarai eldiń mazasyn alyp jatyr. Buryn-sońdy ondai bolmaǵan. Aziialyq ta, jai shegirtke de bolmaǵan. Mynaý degen masqara, júre almaisyń", – dedi Eltai aýylynyń turǵyny Sháripqazy Sarqytbaev.
Eginsý men Eltai aýyldyq okrýgterinde jaǵdai qiyndaǵan. Jaiylymdyq jerde jaiaý júrý múmkin emes deidi. Sózderinshe, aýyldaǵy baý-baqshalarǵa da ziiankester tiip jatyr. Halyq bul másele sheshilmese, qystyq mal azyǵyn daiyndai almai qalamyz dep alańdaýly.
Sharýalar dabyl qaqqan soń alqaptardy ýlaý bastalypty. Ákimdiktiń málimetinshe, shegirtke kúrt kóbeimes úshin 10 myńǵa jýyq gektar aýmaqqa himiialyq óńdeý júrgizý josparlanǵan eken.
"Qazirgi tańda anyqtalǵan 500 gektar jerdiń 350 gektaryna aviatsiia kómegimen zalasyzdandyrý júrgizildi. Sonymen qatar Kókózek aýyldyq okrýginde aziiattyq shegirtke anyqtalyp otyr. Qazirgi tańda aýa raiy qolaisyz. Jaýyn-shashyn basylǵannan keiin jedel túrde josparly túrde zalalsyzdandyrý júrgiziledi", – dep málimdedi Úrjar aýdanynyń aýyl sharýashylyq jáne kásipkerlik bóliminiń basshysy Erzat Bolatuly.
