Foto: Depositphotos
Abai oblysynda "Qnet" qarjy piramidasynyń uiymdastyrýshylary 6 jylǵa bas bostandyǵynan aiyryldy, dep habarlaidy Polisia.kz.
2018 jyly K. táýelsiz ókil sertifikatyn ala otyryp, “Qnet” halyqaralyq kompaniiasynyń saityna tirkelgen. 2021 jyldyń naýryz aiynyń basynda ónimdi satý jáne taratý daǵdylary bar K. Almaty oblysynyń aýmaǵyndaǵy jelilik marketing salasynda qalyptasqan jaǵdaidy zerttei otyryp, halyqtyń ekonomikalyq saýattylyǵynyń tómendigin paidalanyp, zańsyz tabys tabýǵa jáne piramidany basqarýǵa niettengen. Óziniń qylmystyq nietin júzege asyrý maqsatynda K. burynǵy tanysy B.-men birigedi.
"K. jáne B. (Gonkong) Malaiziiada tirkelgen “Qnet” halyqaralyq kompaniiasy ónimderiniń internet-saýdasyn paidalana otyryp, jasyryn áreket etti.
Azamattar birlesken qyzmetke qatysý úshin, klýbtyq saiahat kartasyn satyp alý jáne “Qnet” kompaniiasynyń táýelsiz ókili retinde tirkelý úshin 780 myń teńgeden 1,2 mln teńgege deiingi mólsherde jarna jasaý kerek boldy" - delingen habarlamada.
Qarjy piramidasynyń kedergisiz jáne úzdiksiz jumys jasaýy úshin jáne qatysýshylardy kóptep tartý maqsatynda B jáne K., 2021 jyly keńseni jalǵa alǵan. Sondai-aq K. qatysýshylarǵa psihologiialyq áser etý úshin kezdesýler, dárister, oqytý seminarlaryn ótkizip, keńsede muqiiat qurylǵan jarnama kompaniiasyn uiymdastyrǵan.
Nátijesinde K. jáne B-nyń qarjy piramidasyna Qazaqstan Respýblikasynyń jalpy 30 azamaty qosylady. Olar senim arta jáne adasa otyryp jalpy somasy 25 mln teńge qarajat salǵan.
"Qarjy piramidasyn uiymdastyrǵandar qylmystyq quqyq buzýshylyq jasaǵany úshin kináli dep tanyldy. QR QK-niń 217-baby boiynsha alty jyl merzimge bas bostandyǵynan aiyryldy jáne jazasyn qaýipsizdigi tómen qylmystyq-atqarý júiesi mekemelerinde óteidi" - delingen habarlamada.
