Foto: Polisia.kz
4 sáýir kúni politsiiaǵa úreili habarlama kelip tústi: ótip bara jatqan adamdar kópirden bir jas jigittiń sekirýge daiyndalyp turǵanyn baiqaǵan, dep habarlaidy Ult.kz.
Oqiǵa ornyna patrýldik politsiia ekipajdary dereý jetti. Alǵashqylardyń biri bolyp politsiia qyzmetkerleri Nurjan Oraltaev pen Nursultan Aiyp jigitke jaqyndady. Olar úilesimdi áreket etip, eki jaqtan jigitti áńgimege tartyp, nazaryn ózderine aýdaryp, qaýipti árekettiń aldyn alýǵa tyrysty. Osy kezde basqa politseiler joldaǵy qozǵalysty rettep, kópir ústinde kólik keptelisin boldyrmaýǵa kúsh saldy.
Jigit sál alańdaǵan sátte, tártip saqshylary ony shapshań túrde qolynan ustap, qaýipsiz aimaqqa súirep shyǵardy. Qarsylyq kórsetkenine qaramastan, politseiler ony ustap qalyp, psihologiialyq qoldaý kórsete berdi.
Ýaqytyly áreket pen kásibi sheberliktiń arqasynda politseiler 25 jastaǵy azamattyń ómirin saqtap qaldy. Ol emdeý mekemesine jetkizildi.
