Foto: ashyq derekkóz
Qarjy monitoringi agenttiginiń Abai oblysy boiynsha departamenti «Dala SK Construction» JShS jáne oǵan bailanysy bar birneshe kompaniia basshylarynyń azamattardyń qarajatyn zańsyz tartýyna qatysty tergeýdi aiaqtady, dep habarlaidy Ult.kz.
Vedomstvo málimetinshe, kompaniia basshylyǵy eki jyl boiy qajetti ruqsat qujattarynsyz, jobalyq-smetalyq qujattamasyz, memlekettik saraptama men avtorlyq qadaǵalaýsyz turǵyn úi keshenderin salýǵa kirisken.
Alaiaq shemanyń qalai júzege asqany:
-
Internette páterlerdiń naryqtan áldeqaida tómen baǵamen satylatyny jáne paiyzsyz bólip tóleý usynylatyny jóninde jarnamalar jariialanǵan;
-
Alaida «Irtysh Riverside» TÚK jospardaǵy alty munaranyń tek bireýiniń ǵana qańqasy salynǵan;
-
2024 jyldyń qazanynda kompaniiaǵa ÁQBK-niń birneshe baby boiynsha aiyppul salynyp, qurylys jumystary toqtatylǵanyna qaramastan, basshylyq jalǵan «sátti qurylys júrip jatqandai» aqparat taratyp, azamattardy aldaýdy jalǵastyrǵan;
-
Jańa satyp alýshylar tartý úshin páter satý jónindegi jarnama toqtatylmaǵan.
Ziian kólemi men zardap shekkender:
-
64 azamatpen jalǵan brondaý sharttary jasalǵan;
-
Zańsyz tartylǵan qarajattyń jalpy somasy 1 mlrd teńgeden asqan;
-
Qarajat Óskemendegi bailanysy bar kompaniialardyń shottaryna aýdarylyp, ol jerde de ruqsatsyz qurylys jumystary júrgizilgen.
Úleskerlerdiń múddesin qorǵaý úshin:
Tergeý barysynda kúdiktilerdiń múlkine — 2 páter, 10 jer ýchaskesi jáne 6 avtokólikke tyiym salyndy.
Qylmystyq istiń uiymdastyrýshysy qamaýǵa alynǵan.
QR QPK-niń 201-babyna sáikes ózge aqparat jariialaýǵa jatpaidy.
