Foto: TJM
Abai oblysy Borodýliha aýdanynda órtengen úiden 34 jastaǵy er adamnyń denesi tabyldy, - dep habarlaidy «Ult aqparat» oblystyq Tótenshe jaǵdailar departamenti baspasóz qyzmetine silteme jasap.
Belgili bolǵanyndai, órt 26 tamyzda túngi ýaqytta Borodýliha aýdanyndaǵy jer úide shyqqan.
«Órt sóndirýshiler oqiǵa ornyna shuǵyl kelip jetti. Úidi sharpyǵan órt qosalqy ǵimarat pen kólikke de jaiylyp ketti. Aldyn ala derek boiynsha órtengen aýmaq 400 sharshy metrdi quraǵan», - delingen aqparatta.
Qutqarýshylar úi ishinen er adamnyń denesin tapty. Anyqtalǵandai, ol 34 jastaǵy úi iesi.
Kóp uzamai qyzyl jalyn tolyqtai aýyzdyqtaldy. Qazirgi ýaqytta órttiń shyǵý sebebi anyqtalyp jatyr.
Osyǵan deiin ShQO men Almaty oblysynda 26 tonna shóp órtenip ketkeni habarlandy.
