Foto: t.me/egovpress
Abai oblysynyń Sybailas jemqorlyqqa qarsy qyzmeti Kóshi-qon qyzmeti basqarmasynyń basshysy men Abai oblysy Politsiia departamentiniń qyzmetkerlerin paramen áshkereledi, dep habarlaidy "Ult aqparat" Antikor baspasóz qyzmetine silteme jasap.
Laýazymdy tulǵa óziniń qyzmetkeri arqyly aýdandyq politsiia bólimshesiniń qyzmetkerin qalalyq kóshi qon qyzmeti bólimine aýystyrýǵa járdemdeskeni úshin 1000 AQSh dollary kóleminde para alǵan.
"Kúdiktiler ustalyp, ýaqytsha ustaý izoliatoryna qamaldy.
Sotqa deiingi tergeý jalǵasyp jatyr.
Qylmystyq-protsestik kodeksiniń 201-babyna sáikes tergeý múddesi úshin ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi" - delingen habarlamada.
Aita keteiik, buǵan deiin áleýmettik jelilerde Abai oblysy kóshi-qon qyzmeti basqarmasynyń basshysy Gúlvira Dónenbaeva ustalǵany týraly aqparat taraǵan.
