Sýret: ashyq derekkózden
Abai oblystyq Bilim basqarmasy Jarma aýdanynda asylyp qalǵan oqýshynyń synyptasy da sýitsid jasaǵany jaily aqparattyń shyndyqqa janaspaitynyn málimdedi, dep habarlaidy QazAqparat portaly.
Jarma aýdany Úshbiik aýylynda 15 jastaǵy oqýshy asylyp qalǵan bolatyn. BAQ-ta jáne áleýmettik jelide onyń synyptasy da sýitsid jasamaq bolǵany, alaida der kezinde qutqarylǵany jaily aqparat tarady. Biraq oblystyq Bilim basqarmasynyń málimetine súiensek, ol óz ózine qol jumsamaǵan.
«Bul - jalǵan aqparat. Ekinshi bala jai ǵana sabaqtan qashyp ketken. Mektepke kelmegen soń ony synyp jetekshisi izdedi. Birden balanyń úiine barǵan. Ata-anasy da balasyn izdep, qoraǵa kirgende ol sol jerde shokolad jep otyrǵan», - deidi basqarma basshysynyń orynbasary Ásem Núskenova.
Onyń aitýynsha, atalmysh fakti boiynsha Jarma aýdanynyń quqyq qorǵaý organdary tarapynan tergeý jumystary júrgizilýde.
«Oqiǵa bolǵan kúni aýdan ákimi orynbasarynyń tóraǵalyǵymen mobildi top quryldy. Mobildi top Úshbiik aýylyna baryp, bilim berý uiymyndaǵy profilaktikalyq jumystyń jai-kúiine taldaý júrgizdi. Sonyń qorytyndysy boiynsha mektep direktory sotqa deiingi tergeý amaldary aiaqtalǵansha qyzmetinen shettetildi, mektep psihology men synyp jetekshisi qyzmetterinen bosatyldy», - deidi Ásem Núskenova.
