Foto: Informburo.kz
Abai oblysy Aiagóz aýdanynda prokýratýra aralasýynan keiin turǵyn úi-kommýnaldyq sharýashylyq salasyndaǵy zańsyz memlekettik satyp alý kelisimi joiyldy, dep habarlaidy Ult.kz.
Aýdandyq TKSh, jolaýshylar kóligi, avtomobil joldary jáne turǵyn úi inspektsiiasy bólimi 2025 jyldyń 30 mamyrynda «MIT Teploservis» JShS-men «Ortalyq» qazandyǵyna kúrdeli jóndeý júrgizý týraly 1 mlrd teńgeden astam somaǵa shart jasasqan. Satyp alý tótenshe jaǵdailardyń saldaryn aldyn alý degen negizben bir kózden alý tásilimen ótken. Alaida 2025 jyly aýdanda tótenshe jaǵdai jariialanbaǵan, sondyqtan bul tásildi qoldanýǵa zańdy negiz bolmaǵan.
Buǵan qosa, 2023 jyldyń 10 qarashasynda dál osy bólim jańa qazandyq ornatýǵa 110 mln teńge somasyna úsh jyldyq kepildikpen uqsas shartqa otyrǵany belgili boldy.
Prokýratýranyń qadaǵalaý aktisi nátijesinde zańsyz kelisimniń kúshi joiyldy. TKSh bóliminiń basshysy Ákimshilik quqyq buzýshylyq týraly kodekstiń 207-baby boiynsha jaýapqa tartylyp, 200 AEK kóleminde aiyppul salyndy.
Osylaisha, 1,4 mlrd teńgeden astam biýdjet qarjysynyń tiimsiz jumsalýyna jol berilmedi.
