Turǵyndar áleýmettik jelide videolaryn jariialady. Úsh kúnniń ishinde jaýǵan qar qalyndyǵy taýly aimaqtarda bir metrden assa, jazyq jerlerde 50-60 sm deiin. Qalyń qardan aǵashtar synyp, elektr jelileri úzilgen.
«Qazirgi tańda 35 eldi mekende 87 arnaiy tehnika jumyldyrylyp, qar tazalaý jumystary atqarylyp jatyr. Úrjar aýylynyń ózinde 118 kósheniń 70 paiyzy tazalandy. bul jumys áli de jalǵasyn tabady. Jetinshi naýryzda 5 eldi mekende elektr qýaty sóndi. Biraq qazir qaita iske qosyldy. Barlyq jaǵdai meniń tikelei baqylaýymda»,—dedi aýdan ákimi Aqylbek Báshimbaev.
Aita keteiik, qutqarýshylar ótken táýilikte jolda qalǵan 318 adamdy evakýatsiialaǵan bolatyn.
