«Jidebai-Bórili» memlekettik tarihi-mádeni jáne ádebi-memorialdyq qoryq-mýzeiiniń direktory Jandos Áýbákir Abai mýzeii ekspozitsiiasyn jańǵyrtýǵa 250 mln teńge bólinetinin aitty, dep habarlaidy "Ult aqparat".
Qazirgi ýaqytta qoryq-mýzeiinde hákimniń 175 jyldyǵyna bailanysty qyzý ázirlik jumystary júrgizilýde. Mýzei keshenin qaita jańǵyrtý, aǵymdaǵy jáne kúrdeli qurylys jumystaryn júrgizý, abattandyrý, jaryqtandyrý sharalary qolǵa alynǵan.
«Bas mýzeidegi jóndeý jumystaryn júrgizý úshin 30 mln teńge jáne Abai mýzeii ekspozitsiiasyn jańǵyrtýǵa 250 mln teńge bólinbek. Uly aqynnyń mereitoiynda kóptiń nazary onyń týyp-ósken jerine aýatyny anyq. Sol úshin mýzei mamandaryna artylar júk jeńil emes», - deidi Jandos Áýbákir.
Esterińizge sala ketsek, osyǵan deiin uly aqynnyń kindik qany tamǵan jer - Syrt Qasqabulaqtyń abattandyrylatyny habarlanǵan bolatyn.
