Uly aqyn Abaidyń 175 jyldyǵyna orai Berlindegi Ulttyq kitaphanada «Abai oqýlary» is-sharasy jáne ziialy qaýym ókildermen kezdesý ótti, – dep habarlaidy QR Ulttyq kitaphanasy baspasóz qyzmeti.
Atalmysh is-sharaǵa Qazaqstan Respýblikasynyń Germaniiadaǵy Tótenshe jáne Ókiletti elshisi Dáýren Karipov, Qazaqstan Jazýshylar odaǵynyń tóraǵasy Ulyqbek Esdáýlet, M.Áýezov atyndaǵy Ádebiet jáne óner institýtynyń direktory Matyjanov Kenjehan, QR Ulttyq kitaphanasynyń direktory Baqytjamal Ospanova, QR Ulttyq akademiialyq kitaphanasynyń direktory Úmithan Muńalbaeva, oblystyq kitaphana basshylary, ziialy qaýym ókilderi men qoǵam qairatkerleri, qazaq diasporalary jáne stýdent jastar qatysty. Sharada Úmithan Muńalbaeva adamzat rýhaniiatyna úlesin qosqan Abaidy ulyqtaý jumystary jalǵasyn tabýda ekenin jetkizdi.
«Abai oqýlaryn» biz búgin Germaniia memleketinde ótkizýdemiz. Ǵulama ǵalymnyń naǵyz gýmanistik kózqarasyn, tatýlyqqa, yntymaqqa, baýyrmaldylyqqa bastaityn tereń bolmysyn barsha álemge pash etý bizdiń mindetimiz. Adamzattyń Abaiyna ainalǵan aqynnyń ǵalamdaǵy tuǵyry barǵan saiyn biiktep, máńgi jasai bereri sózsiz», - dedi Ulttyq akademiialyq kitaphanasynyń direktory.
