Uly Abaidyń 175 jyldyq mereitoiyna orai Semei qalasynda jáne Abai aýdanynda 13,5 mlrd. teńgege qurylys, abattandyrý jáne rekonstrýktsiia boiynsha infraqurylymdyq jobalar júzege asyrylýda.
Bul týraly Shyǵys Qazaqstan oblystyq máslihatynyń altynshy shaqyrylymynyń HL kezekti sessiiasynda oblys basshysy Danial Ahmetov aitty, dep habarlaidy "Ult aqparat".
«Biyl qazaqtyń uly oishyly jáne aqyny - Abaidyń 175 jyldyǵy. Mereitoilyq dataǵa sáikes Semei qalasynda jáne Abai aýdanynda 13,5 mlrd. teńgege qurylys, abattandyrý jáne rekonstrýktsiia boiynsha infraqurylymdyq jobalar júzege asyrylýda», - deidi ShQO ákimi Danial Ahmetov.
Onyń aitýynsha, Qaraýyl aýylynda 300 oryndyq mekteptiń jáne sý qubyrynyń qurylysy aiaqtalyp qaldy.
«Abai kesheninde ǵylymi-restavratsiialyq jumystar júrgizilýde. Aýmaqty abattandyrý, saiabaq pen murajaidyń qurylysy, sondai-aq joldardy jóndeý jumystary iske asyrylýda», - deidi ol.
