Aǵymdaǵy jylǵy 17 aqpan kúni Abai atyndaǵy Qazaq ulttyq pedagogikalyq ýniversitetiniń Sorbonna – Qazaqstan institýtynda «Qazaqstannyń úshinshi jańǵyrýy: jahandyq básekege qabilettilik» atty Qazaqstan Respýblikasy Prezidentiniń Joldaýyna arnalǵan ǵylymi-tájiribelik konferentsiia ótti.
Is-sharaǵa Konstitýtsiialyq Keńestiń Tóraǵasy Igor Rogov, Joǵarǵy Sot Tóraǵasy Qairat Mámi, respýblikanyń ǵylymi intellegentsiia ókilderi men joǵary oqý oryndarynyń professor-oqytýshylar quramy qatysty.
Konferentsiia jumysyn QazUPÝ prorektory, h.ǵ.d., professor M.E. Ermaǵanbetov ashty. Konstitýtsiialyq Keńestiń Tóraǵasy Igor Rogov pen Joǵarǵy Sot Tóraǵasy Qairat Mámi kirispe sóz sóiledi.
Óz sózinde Konstitýtsiialyq Keńestiń Tóraǵasy I.Rogov aldaǵy konstitýtsiialyq reformaǵa toqtalyp ótti. Ol «Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» Zań jobasynyń negizgi aspektilerimen tanystyra kele, jumys toby túsip jatqan usynystardy qorytý jumystaryn jalǵastyryp jatqanyn aitty.
Joǵarǵy Sot Tóraǵasy Qairat Mámi kirispe sóz sóileý barysynda Joldaýdy oryndaý jáne bilik tarmaqtarynyń arasyndaǵy ókilettikterdi qaita bólý reformasyn júrgizý boiynsha sýdialar korpýsynyń aldynda turǵan mindetterdi iske asyrý baǵytyndaǵy Joǵarǵy Sottyń jumysy týraly habardar etti.
Konferentsiianyń kún tártibine sáikes oǵan qatysýshylar úsh sektsiia sheńberinde Memleket basshysynyń Qazaqstan halqyna Joldaýy turǵysynan táýelsiz Qazaqstan Respýblikasynyń konstitýtsiialyq-quqyqtyq damý máselelerin, jańǵyrý kezeńindegi elimizdiń syrtqy saiasatynyń basymdyqtary men ekonomikalyq ósýdiń jańa modelindegi bilim berý máselelerin talqylady.
Konferentsiia barysynda QR Bilim jáne ǵylym ministrliginiń ókili – QR BǴM Ekonomika institýtynyń óńirlik ekonomika jáne innovatsiialyq damý bóliminiń meńgerýshisi F.G. Áljanovanyń, z.ǵ.d., professor S.N. Sabikenovtiń, t.ǵ.d., professor E.A. Kýznetsovtyń, z.ǵ.d., professor A.A. Sábitovanyń jáne t.b. qazaqstandyq tanymal ǵalymdardyń baiandamalary tyńdaldy.
Konferentsiiaǵa qatysýshylar Memleket basshysy talqylaýǵa usynǵan Konstitýtsiiaǵa túzetýler engizýdi kózdeitin zań jobasyna joǵary baǵa berdi. Jumys tobynyń qaraýyna joldanatyn birqatar usynystar aityldy.
Konferentsiianyń qorytyndysy boiynsha jahandaný jáne álemdik báseke jaǵdaiynda Qazaqstannyń qazirgi damý kezeńinde innovatsiialyq ekonomika, biznes-ortany nyǵaitý, sybailas jemqorlyqpen kúres jáne jalpy alǵanda, adami kapitaldyń áleýetin arttyrý eldi damytýdyń, qoǵam men memleketti odan ári demokratiialandyrýdyń basty faktorlary ekendigi týraly ortaq pikir aityldy.
.jpeg)