Foto: empire.kz
Biyl Abai Qunanbaiulynyń týǵanyna 180 jyl tolady. Prezident Qasym-Jomart Toqaev Ulttyq quryltaidyń IV otyrysynda birqatar elderde Abai ortalyqtary ashylatynyn aitty, dep habarlaidy Ult.kz.
Prezident diasporalar men basqa da sheteldikterge qazaq tilin úiretý quraly retinde jumys istep turǵanyn atap ótti.
«Biyl Abai Qunanbaiulynyń týǵanyna 180 jyl tolady. Men osydan bes jyl buryn uly oishyldyń týǵanyna 175 jyl tolýyna orai Semeide abaitanýshy ǵalymdarmen kezdestim, sol kezde Abai institýtyn qurý týraly usynys aittym. Búginde bul bastama tsifrlyq platforma formatynda iske asyryldy, iaǵni bizdiń diasporalar men basqa da sheteldikterge qazaq tilin úiretý quraly retinde jumys istep tur. Endi osy jobany tolyqqandy mádeni-aǵartý mekemelerine ainaldyrý qajet. Bul qurylym Konfýtsii, Gete, Servantes institýttary siiaqty jumys isteýi kerek.
Abai institýty negizgi seriktes elderdiń bárinde tól mádenietimizdi nasihattaityn ortalyq bolýǵa tiis. Birqatar elde, mysaly, Qytai, Túrkiia, Mońǵoliia jáne basqa da memleketterde osyndai ortalyqtar ashylatyn boldy. Syrtqy ister ministrligi men «Otandastar» qoryna Mádeniet jáne aqparat ministrligimen birlesip, shetelde osyndai ortalyqtar ashý máselesi boiynsha tiisti jumysty jalǵastyrýdy tapsyramyn», – dedi Memleket basshysy.
Prezidenttiń sózinshe, Halyqaralyq «Qazaq tili» qoǵamy belsene ainalysýda. Bul uiymnyń bastamalaryn biz tutas qoǵam bolyp ári qarai qoldaýymyz kerek.
«Mádeniet degenimiz – jai ǵana ǵimarattar men mekemeler emes. Bul – ulttyq sana-sezimdi jahandyq aýqymda nyǵaita túsetin myqty tuǵyr», – dedi Q.Toqaev.
