Qazaqstannyń shet elderdegi birqatar elshiliginde «Abai ortalyǵy» ashylady, dep habarlaidy "Ult aqparat".
«Abai esimin AQSh, BAÁ, Polsha, Latviiada ulyqtaý aiasynda sol elderdiń poshta markalary shyǵarylady. Qazaqstannyń AQSh, Qytai, BAÁ, Ózbekstan, Majarstan, Grekiia, Pákistandaǵy elshilikteri men Irannyń Gorgan qalasyndaǵy Bas konsýldyǵy ǵimarattarynda «Abai ortalyǵy» ashylady», - dep atap ótti QR Syrtqy ister ministrliginiń baspasóz qyzmetinen.
Sonymen qatar Qazaqstannyń ulttyq ýniversitetteriniń Armeniia, Italiia, Bolgariia, Latviia, Indoneziia, Mysyr, Iordaniiadaǵy seriktes-joǵary oqý oryndarynda, kitaphanalar men basqa ǵylymi-aǵartýshylyq mekemelerinde «Abaidy zertteý ortalyqtary» da saltanatty túrde ashylady. Munan bólek, 2020 jylǵy 14-15 qazanda IýNESKO Atqarý keńesiniń 209-sessiiasy aiasynda Paridjegi IýNESKO shtab-páterinde Abaidyń 175 jyldyǵyna arnalǵan ǵylymi-praktikalyq konferentsiia, taqyryptyq kórme jáne mereitoilyq gala-kontsert ótedi.
«TÚRKSOI jána ISESKO uiymdarymen de aýqymdy mádeni is-sharalar josparlanýda», - dep atap ótti vedomstvodan.
Esterińizge sala ketsek, taiaýda Aqordada Memlekettik hatshy Qyrymbek Kósherbaevtyń tóraǵalyǵymen Abaidyń 175 jyldyq mereitoiyn daiyndaý jáne ótkizý jónindegi memlekettik komissiia otyrysy ótken bolatyn. Sol jiynda 2020 jyldyń 8 qańtarynda elordadaǵy «Qazaqstan» ortalyq kontsert zalynda Hakim Abaidyń 175 jyldyq mereitoiynyń bastalýyna arnalǵan saltanatty shara ótetindigi belgili bolǵan edi.
