Latviianyń Olaine qalasynda Abai Qunanbaiulynyń 175 jyldyǵyn merekeleý aiasynda uly oishylymyz súiip oinaǵan ulttyq oiyn –toǵyzqumalaqtan halyqaralyq týrnir ótti, – dep habarlaidy QazAqparat.
Dúniejúzilik toǵyzqumalaq federatsiiasy habarlaǵandai, jarysty 24-26 qańtar aralyǵynda latviialyq «Logika» ziiatkerlik klýby, Qazaqstan Respýblikasynyń Latviiadaǵy elshiligi jáne Dúniejúzilik toǵyzqumalaq federatsiiasy uiymdastyrdy.
Jarysqa Qazaqstannan jáne Latviianyń Riga, Olaine, Elgava men Ozolnieki qalalarynan 24 sportshy qatysty.
Úsh kúnge sozylǵan dodada uldar arasynda júldeli oryndardyń barlyǵyn latviialyq oiynshalar jeńip aldy.
Al qyzdar arasynda bas júldeni qazaqstandyq Ańsaǵan Qojanásip jeńip alsa, ekinshi jáne úshinshi oryndardy jergilikti oiynshalar qanjyǵasyna bailady.
Jeńimpazdar men júldegerler Qazaqstan Respýblikasynyń Latviiadaǵy elshiligi men Dúniejúzilik toǵyzqumalaq federatsiiasynyń syilyqtarymen marapattaldy.
Aita keteiik, alǵash ret toǵyzqumalaq Latviiada 2018 jyly jergilikti turǵyndarǵa tanystyrylyp, Elshilik pen Federatsiianyń bastamasymen jarys ótkizilgen bolatyn. Nátijesinde 2019 jyly Túrkiiada toǵyzqumalaqtan ótken V Álem chempionatyna Latviianyń quramasy alǵash ret qatysyp, mol tájiribe jinaǵan edi.
