Biyl aty álemge áigili, qazaqty qazaq retinde tanytýǵa súbeli eńbek sińirgen Uly aqyn Abai Qunanbaiulynyń týǵanyna 175 jyl tolyp otyr. Bul aitýly mereitoi qarsańynda Qazaqstan boiynsha ǵana emes, IýNESKO kóleminde atap ótý josparlanǵan bolatyn. Elimizdi ǵana emes, álemdi sergeldeńge salǵan pandemiia áserinen bul mereitoi kóbine onlain ótýge májbúr boldy. Sondai igi sharalardyń biri – atalǵan aqyn mereitoiy aiasynda Qyzylorda oblystyq «Slaviane» qoǵamdyq-mádeni ortalyǵy» qoǵamdyq birlestiginiń uiymdastyrýymen oblystyq Qazaqstan halqy Assambleiasynyń qoldaýymen Dostyq úiinde uly aqyn Abai Qunanbaiulyna arnalǵan ádebi kesh ótti, - «Ult aqparat».
Aldymen atalǵan igi sharada Abai Qunanbaiulynyń 175 jyldyǵyna arnalǵan kitap kórmesi uiymdastyrylyp, oǵan qalalyq kitaphanalar qatysty. Kórme aiasynda uly aqynnyń ónegeli ómirimen tanysyp, onyń danalyǵy, rýhani asyl muralary nasihattaldy. Aqynnyń ómirinen baiandalǵan shyǵarmalar, eńbekter men zertteýler, sonymen qatar aqynnyń óz shyǵarmalary barynsha nasihattalyp jatty. Aqynnyń ónegeli ómirin men muralaryn qansha dáriptesek te jarasary sózsiz.
Abai keshine arnalǵan jiynda «Slaviane» qoǵamdyq-mádeni ortalyǵy» qoǵamdyq birlestiginiń belsendi jasy Konstantin Lýtsanyń oryndaýyndaǵy «Aittym sálem qalamqas» áni shyrqalyp, Abai ánderin de dáripteldi.
Uiymdastyrýshylardyń aitýynsha, atalǵan jiynnyń maqsaty – Uly aqynnyń ónegeli ómirimen tanystyrý, týǵan eline degen súiispenshiligin arttyrý, el murasyn jalǵastyrýshy azamat bolýdy elimizdiń jas býyn sanasyna engizý.
«Abai shyǵarmalaryn jas urpaqtyń júregine tereń boilatyp, jumbaq áleminiń tylsym syrlaryna úńiltý. Ne bir asyl óleńder men ánder týdyrǵan, ómirsheń rýh bere otyryp, búkil álemge ózi ǵana tanymal bolmai qazaq halqyn da tanytqan dara tulǵanyń ónegesin boiǵa sińirý. Abai – qazaqqa ǵana emes, túrki álemine, álemdik ádebietke ortaq tulǵa. Onyń ómiri men shyǵarmashylyǵyn jastar arasynda ǵana emes, barlyq halyq arasynda nasihattaý da jetkiliksiz. Biyl Uly aqynnyń 175 jyldyq mereitoiy qarsańynda biz aqynymyzdy barynsha asqaqtatýǵa tyrysamyz. Eger oiymyz júzege asyp jatsa, onda búgingi sharanyń óz maqsatyna jetkeni dep bilemiz», - dedi «Slaviane» qoǵamdyq-mádeni ortalyǵy» qoǵamdyq birlestiginiń jetekshisi Galina Sherbakova.
Sonymen qatar, ádebi keshtiń alǵy sózin «Qoǵamdyq kelisim» KMM bólim basshysy Asylbek Jumabaev bastady jáne qoǵamdyq kelisim men jalpyulttyq birlikti saqtaýǵa eleýli úles qosqan birlestiktiń belsendi músheleri Tatiana Danilina, Iýrii Tyryshkin, Galina Finansovaǵa «Qazaqstan halqy Assambleiasyna 25 jyl» merekelik medalin tabystady.
Osy oraida aita ketkenimiz jón. Biyl Qazaqstan halqy Assambleiasyna da mereili 25 jyl tolyp otyr. Osy aitýly dataǵa orai Assambleia jumystaryna belsene aralasyp, el men ulttardyń tatýlyǵy men birligine eńbek etip júrgen Qazaqstan halqy Assambleiasynyń múshelerine erekshe medal tabystalyp jatyr. Ol «Qazaqstan halqy Assambleiasyna 25 jyl» merekelik medali dep atalady. Bul igi shara jyl sońyna deiin jalǵasady dep josparlanǵan.
Uly aqynnyń ónegeli ómirimen tanystyrý, týǵan eline degen súiispenshiligin arttyrý, el murasyn jalǵastyrýshy azamat bolýdy elimizdiń jas býyn sanasyna engizýdi maqsat etken sharada zamanynan ozyq týǵan Abai qazaq jazba mádenieti men mýzyka ónerin biik satyǵa kóterdi. Abai qundylyǵy dáriptelgen keshte onyń ómiri týraly derekter berilip, óleńderi oqyldy, aýdarma ertegilerinen úzindiler kórsetildi. Birneshe ánderi shyrqalyp, qara sózderi tyńdaldy.
Esterińizge sala keteiik, Uly aqyn Abai Qunanbaiulynyń 175 jyldyq mereitoiy aiasynda Qyzylorda oblystyq «Slaviane» qoǵamdyq-mádeni ortalyǵy» qoǵamdyq birlestiginiń uiymdastyrýymen oblystyq Qazaqstan halqy Assambleiasynyń qoldaýymen Dostyq úiinde uly aqyn Abai Qunanbaiulyna arnalǵan ádebi kesh ótti. Keshtiń maqsaty – Uly aqynnyń ónegeli ómirimen tanystyrý, týǵan eline degen súiispenshiligin arttyrý, el murasyn jalǵastyrýshy azamat bolýdy elimizdiń jas býyn sanasyna engizý. Aldymen Abai Qunanbaiulynyń 175 jyldyǵyna arnalǵan kitap kórmesi uiymdastyrylyp, oǵan qalalyq kitaphanalar qatysty. Kórme aiasynda uly aqynnyń ónegeli ómirimen tanysyp, onyń danalyǵy, rýhani asyl muralary nasihattaldy.
