«Qazaqstan» teleradiokorporatsiiasy uly aqyn Abaidyń 175 jyldyǵyna orai túsiretin telehikaia akterlerine baiqaý jariialaidy, – dep habarlandy telearnanyń Telegram paraqshasynda.
Kastingke arnaiy akterlik bilimi bar, 17 men 40 jas aralyǵyndaǵy qolań shashty, qoiý qasty qyz-kelinshekter men 15 pen 50 jas aralyǵyndaǵy keskin-kelbeti kelisken, atqa otyra alatyn er-azamattar qatysa alady.
«Buǵan deiin telehikaianyń stsenariiine baiqaý jariialanyp, otandyq tájiribeli óndirýshilerden úsh ai boiy ótinim qabyldanǵan bolatyn. Búginnen bastap teleradiokorporatsiianyń shyǵarmashylyq birlestigi men arnaiy qurylǵan Kórkemdik keńestiń qabyldaǵan nusqasy boiynsha túsirilim jumystaryna ázirlik bastaldy» delingen habarlamada.
Úmitkerler ózi týraly aqparatty (foto, video) 15 aqpanǵa deiin casting.abai@kaztrk.kz poshtasyna joldai alady.
Qosymsha aqparat: 8 747 706 64 94, 8 707 401 55 91.
