Almaty qalasyndaǵy LA-155/18 tergeý izoliatorynyń qabyldaý-tapsyrý bólmesinde abaqtyda jatqan balasyna jasyryn túrde uialy telefon bermekshi bolǵan áiel ustaldy, dep habarlaidy Almaty qalasy boiynsha qylmystyq-atqarý júiesi departamentiniń baspasóz qyzmeti.
Onyń azyq-túlik salyp ákelgen sómkesinen sim-kartasy joq «Samsýng» markaly uialy telefon tabyldy. 6 jylǵa sottalǵan balasyna sálemdeme ákelgen anaǵa bas bostandyǵynan aiyrý ornyna ákelýge bolmaityn tyiym salynǵan zattar týraly aldyn ala eskertilgen bolatyn.
Bul faktige qatysty QR Ákimshilik quqyq buzýshylyq týraly kodeksiniń 481-baby boiynsha hattama toltyrylyp, material sotqa jiberildi. Atalǵan bapta Qylmystyq-atqarý júiesiniń mekemelerinde, arnaýly mekemelerde ustalatyn adamdarǵa tyiym salynǵan zattar, buiymdar men nárselerdi jeke tekserýden jasyryp berýge árekettený on ailyq eseptik kórsetkish mólsherinde aiyppul salýǵa, sonymen qatar ákimshilik jaza qoldanylǵannan keiin bir jyl ishinde qaitalap jasalǵan áreketter jiyrma ailyq eseptik kórsetkish mólsherinde aiyppul salýǵa ne otyz táýlikke deiingi merzimge ákimshilik qamaqqa alýǵa ákep soǵatyny atap kórsetilgen.
Gúlnár MAǴZUMOVA
