QR Aqparat jáne qoǵamdyq damý ministri Dáýren Abaev Abaidyń «Jigitter oiyn arzan, kúlik qymbat» óleńin oqydy, dep habarlaidy "Ult aqparat".
Óziniń Facebook paraqshasynda jariialaǵan videoda ministr toǵyz jastaǵy Láilimshyraq Erlanqyzy joldaǵan estafetany qýana qabyldaǵanyn aitady.
«Láilim esimdi kishkentai qyzymyz Abaidyń mereitoiyna orai aqyn óleńderinen úzindi oqý estafetasyn maǵan da joldaǵan eken. Abai shyǵarmalary áli kúnge óz mańyzdylyǵyn joǵaltqan joq. Sol sebepti uly oishylymyzdy álem moiyndaidy. Sondyqtan bul bastamany men de úlken qýanshypen qabyl aldym», - degen Dáýren Abaev aqynnyń «Jigitter, oiyn arzan, kúlki qymbat» óleńinen eki shýmaq úzindi oqyǵan.
«Abai óleńderin oqý estafetasyn QR Prezidentiniń keńesshisi Erlan Qarin myrzaǵa jáne aitysker aqyn Ainur Tursynbaeva hanymǵa joldaimyn», - deidi mnistr viedonyń sońynda.
Aita keteiik, buǵan deiin QR Prezidenti Qasym-Jomart Toqaev 9 jastaǵy mektep oqýshysynyń estafetasyn qabyl alyp, ony bilim jáne ǵylym ministri Ashat Aimaǵambetovke, Mádeniet jáne sport ministri Aqtoty Raiymqulovaǵa jáne búkil álemdi moiyndatqan talantty ánshi Dimash Qudaibergenge joldaǵan edi.
Keiin Reseidiń halyq ártisi Igor Krýtoi Dimash Qudaibergen joldaǵan estafetany qabyl alǵan bolatyn.
