قر اقپارات جەنە قوعامدىق دامۋ مينيسترٸ دەۋرەن اباەۆ ابايدىڭ «جٸگٸتتەر ويىن ارزان, كٷلٸك قىمبات» ٶلەڭٸن وقىدى, دەپ حابارلايدى "ۇلت اقپارات".
ٶزٸنٸڭ Facebook پاراقشاسىندا جارييالاعان ۆيدەودا مينيستر توعىز جاستاعى لەيلٸمشىراق ەرلانقىزى جولداعان ەستافەتانى قۋانا قابىلداعانىن ايتادى.
«لەيلٸم ەسٸمدٸ كٸشكەنتاي قىزىمىز ابايدىڭ مەرەيتويىنا وراي اقىن ٶلەڭدەرٸنەن ٷزٸندٸ وقۋ ەستافەتاسىن ماعان دا جولداعان ەكەن. اباي شىعارمالارى ەلٸ كٷنگە ٶز ماڭىزدىلىعىن جوعالتقان جوق. سول سەبەپتٸ ۇلى ويشىلىمىزدى ەلەم مويىندايدى. سوندىقتان بۇل باستامانى مەن دە ٷلكەن قۋانشىپەن قابىل الدىم», - دەگەن دەۋرەن اباەۆ اقىننىڭ «جٸگٸتتەر, ويىن ارزان, كٷلكٸ قىمبات» ٶلەڭٸنەن ەكٸ شۋماق ٷزٸندٸ وقىعان.
«اباي ٶلەڭدەرٸن وقۋ ەستافەتاسىن قر پرەزيدەنتٸنٸڭ كەڭەسشٸسٸ ەرلان قارين مىرزاعا جەنە ايتىسكەر اقىن اينۇر تۇرسىنباەۆا حانىمعا جولدايمىن», - دەيدٸ منيستر ۆيەدونىڭ سوڭىندا.
ايتا كەتەيٸك, بۇعان دەيٸن قر پرەزيدەنتٸ قاسىم-جومارت توقاەۆ 9 جاستاعى مەكتەپ وقۋشىسىنىڭ ەستافەتاسىن قابىل الىپ, ونى بٸلٸم جەنە عىلىم مينيسترٸ اسحات ايماعامبەتوۆكە, مەدەنيەت جەنە سپورت مينيسترٸ اقتوتى رايىمقۇلوۆاعا جەنە بٷكٸل ەلەمدٸ مويىنداتقان تالانتتى ەنشٸ ديماش قۇدايبەرگەنگە جولداعان ەدٸ.
كەيٸن رەسەيدٸڭ حالىق ەرتiسi يگور كرۋتوي ديماش قۇدايبەرگەن جولداعان ەستافەتانى قابىل العان بولاتىن.
